POP 5

Lajmet më të lexuara të 5 minutave të fundit

Kronikë

Dhuna në oborrin mbretëror/ Princ Leka dhe Elia Zaharia me urdhërmbrojtje, duhet të qëndrojnë 5 m distancë me njëri-tjetrin! Takimi me vajzën në prani të dados

Gjykata Civile e Tiranës firmosi sot dy urdhërmbrojtje për Princ Lekën dhe ish bashkëshorten Elia Zaharia, në proces divorci. Ndërkohë Leka Zogu duhet të takojë vajzën e vogël jo në prezencë të Elias por të dados

Tirane- Gjykata Civile e Tiranës firmosi sot dy urdhërmbrojtje për Princ Lekën dhe ish bashkëshorten Elia Zaharia, në proces divorci. Seanca u mbajt sot paradite ku ishte e pranishme dhe vetë Elia Zaharia. Ndërsa Leka Zogu ll nuk ishte i pranishëm por u përfaqësua nga avokati i tij.

Në seancë u shqyrtuan 3 kërkesa për urdhër mbrojtje, përkatësisht të Leka Zogut ll, Elia Zaharisë dhe babait të kësaj të fundit Gjergj Zaharisë. Burime konfirmojnë për dy të parët se është aprovuar nga togat e zeza kërkesa dhe nga dita e sotme për Lekë Zogu ll dhe bashkëshorten e tij me të cilën ndodhet në proces divorci Elia Zaharia urdhërohet mbrojtja e menjëhershme.

Çifti duhet të mbajnë distancë 5 m, nga njëri-tjetri. Ndërkohë Leka Zogu duhet të takojë vajzën e vogël jo në prezencë të Elias por të dados. Gjykata nuk ka pranuar kërkesën e të atit, Gjergj Zaharia.

Ndërkohë Prokuroria e Tiranës ka nisur hetimet pas kallëzimit në polici për veprën penale “Dhunë në familje”. Gjithashtu po kryhen hetimet për të zbuluar se kush e nxorri videon në media.

Nga videoja e siguruar dhe nga Report Tv e regjistruar nga Princ Leka dhe dorëzuar si provë në polici ngjarja ka ndodhur në rezidencën e pallatit mbretëror në rrugën "Murat Toptani" në Tiranë, pasditen e 5 marsit 2024, ku jeton Elia me vajzën. Ndërkohë Princ Leka aktualisht është larguar nga rezidenca dhe pritet të vendoset atje pas divorcit.

Rendit zhvillimet sipas orarit:
Ora 09:52
Princ Leka sulmohet nga Elia Zaharia dhe babai i saj, Prokuroria e Tiranës hetim dhunës në familje: Dosja erdhi tek ne kur video kishte dalë në media

Tirane- Prokuroria e Tiranës njoftoi sot se ka nisur hetimet për ‘dhunë në familje’ pas denoncimit të Princ Lekës se është sulmuar fizikisht nga ish bashkëshortja e tij, Elia Zaharia dhe babai i saj Gjergj Zaharia.

Nga videoja e siguruar dhe nga Report Tv e regjistruar nga Princ Leka dhe dorëzuar si provë në polici ngjarja ka ndodhur pasditen e 5 marsit 2024 në rezidencën e pallatit mbretëror në rrugën "Murat Toptani" në Tiranë, ku jeton Elia me vajzën. Ndërkohë Princ Leka është larguar nga rezidenca dhe pritet të vendoset atje pas divorcit.

Në Prokurorinë e Gjykatës së Shkallës së Parë të Juridiksionit të Përgjithshëm Tiranë më datë 06.03.2024, ora 15.00 është referuar nga Komisariati i Policisë Nr.1 materiali kallëzues i shtetasit L.Z për veprën penale “Dhuna në familje”, parashikuar nga neni 130/a i Kodit Penal. Prokuroria pranë Gjykatës së Shkallës së Parë të Juridiksionit të Përgjithshëm Tiranë, regjistroi kallëzimin penal nr.2893 për Veprën Penale të parashikuar nga neni 130/4 i Kodit Penal.Materiali është shortuar dhe i është ngarkuar prokurorit përkatës.

Ndërsa do të kryhen dhe verifikime edhe për publikimin e videos, provë materiale. Vetë prokuroria ka hequr përgjegjësinë, ndërsa Agjensia e Mbikëqyrjes Policore po kryen veprimet hetimore për të zbuluar se kush e ka nxjerrë videon e dhunës. Oborri mbretëror ka hedhur akuza ndaj komisariatit nr 1 të Policisë së Tiranës, por kjo është mohuar nga agjentët.

Ndërkohë, në lidhje me të dhënat e publikuara në media, ju bëjmë me dije se, nga ana e Prokurorisë kanë nisur verifikimet edhe në lidhje me publikimin e një videoje, provë materiale.

Nga verifikimet e para, ka rezultuar që materiali kallëzues është depozituar në Prokurorinë e Gjykatës së Shkallës së Parë të Juridiksionit të Përgjithshëm Tiranë, pasi videoja është publikuar në media të ndryshme dhe rezulton që zarfi ku është administruar prova të mos jetë i hapur. Në lidhje me rastin në fjalë, është ngarkuar Agjensia e Mbikëqyrjes Policore për të kryer veprimet hetimore përkatëse" thuhet në njoftimin e prokurorisë paraditen e sotme.

S.G/Shqiptarja.com

S.G/B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aliu: 08/03/2024 15:33

    Duhet me u thene ketyre qe te mbajne metër me vete, bile nga ato me lazer qe te jete matja e sakte.

    Përgjigju
  • Qobani: 08/03/2024 09:30

    A ban me dit a ka far reni apo rregulli në atë shtëpi,na e kemi të përjetume,deri para 6-7 dekadave kemi pas familje mbi 100 antar dhe kurr skan pas mos marveshje mes veti,ishin në 4 breza,por në atë familje gjithmon kan ngjinu pleqtë,e kan mbrojt vehtën dhe familjen,krejt rrethin nga xhindët,jan tkuqë e tzi vrasin natën vajtojn ditën, tani muaji i rahmetit erdhë ja vlen ta përjetojm, me ngjinu e mbrojm vehtën,shëndetin,e rritum SOJIN dielli dhe hana i kan puntë e veta,na në tokë i kemi puntë tona,dikun ashtë vera e dikun dimni,dikun ma shkurtë e dikun ma gjatë,pra në kohën e zorshme hamë,goja qelë për gjashtë orë,e mshelum ngjinojm 18 orë,kjo vlen për burra,kurse grat ngjinojn 16 orë han 8 orë

    Përgjigju
  • Calcio Merkato: 07/03/2024 15:08

    Është bërë shteti dhe policia që duam merkato.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Avioni 'Embraer 190' duhej të përshkonte 500 kilometra nga Baku në Grozny: si përfundoi në anën tjetër të Detit Kaspik?

Avioni 'Embraer 190' duhej të përshkonte 500 kilometra nga Baku në Grozny: si përfundoi në anën tjetër të Detit Kaspik?

25 Dhjetor, 16:43