Video/ E mahnitshme, Rihanna
shpërthen në lot gjatë shfaqjes

Emocioni që sjell skena në momentin që mijëra zëra të ndjekin duke kënduar tekstin e këngës duhet të jetë i madh, sidomos në momentin kur atmosfera reflektohet në lot. Rihanna ka pasur kulmin e emocionalitetit të saj gjatë kohës që këndonte këngën ‘’Love the way you lie’’, një bashkëpunim shumë i suksesshëm me këngëtarin Eminem. Ajo ka ndërprerë për disa çaste këngën, e pushtuar nga lotët ndërsa publiku njëzëri këndonte.

Fansat kanë postuar në rrjete sociale fotografi dhe video të shumta të momentit emocionues së këngetares, ndërkohë që vetë Rihanna nuk ka dhënë një shpjegim mbi lotët e saj. ‘’Cfarë nate! Një shfaqje shumë emocionuese për mua’’, ka shkruar këngetarja ndërkohë që ka shkruar se sa me fat është që ka skuadrën e saj.