VIDEO/ E tmerrshme, fëmija bie 
nga makina në lëvizje, gjyshi vazhdon rrugën

Kjo video tregon momentin e tmerrshëm kur një fëmijë i vogël bie nga pjesa e pasme e një makine në ecje e sipër, ndërsa gjyshi i tij vazhdon rrugën duke mos e vënë re atë që ndodhi.

Videoja tregon një makinë tip furgoni që është duke ecur në një segment mjaft të ngarkuar të autostradës, kur papritur pjesa e pasme e bagazhit hapet dhe fëmija, që nuk duket më shumë se 2-3 vjeç rrëzohet prej saj.

I mituri shihet teksa ngrihet menjëherë në këmbë dhe fillon të ndjekë automjetin prej nga u rrëzua, i cili nga ana e tij vazhdon rrugën. Makina që ndodhej prapa furgonit nxitoi të parakalojë dhe nisi t'i bjerë borisë, për të njoftuar shoferin që fëmija kishte dalë jashtë.