REPORT Tv siguron VIDEON EKSKLUZIVE të arrestimit të Ilir Metës! Rezistencë ndaj policisë? Nxirret me forcë nga makina, i vënë prangat në mes të rrugës

Policia e Shtetit ka reaguar për arrestimin e kreut të Partisë së Lirisë, Ilir Meta. Policia thotë se Meta ka kundërshtuar dhe ofenduar policët dhe për këtë arsye është bërë shoqërimi i tij me forcë.

"Me detyrimin ndaj opinionit publik lidhur me mënyrën e shoqërimit të shtetasit Ilir Meta, sqarojmë se:

Policia e Shtetit ka marrë për ekzekutim  vendimin e Gjykatës së Posaçme Kundër Krimit të Organizuar dhe Korrupsionit (GJKKO), me kërkesë të Prokurorisë së  Posaçme për arrestimin e shtetasit I.M, 55 vjeç. Për zbatimin e këtij vendimi Policia e Shtetit ka marrë masa operacionale, sipas procedurave të parashikuara nga Rregullorja. 

Rreth orës 13:15 minuta Policia e Shtetit ka marrë informacion dhe më pas ka konstatuar se në vendin e quajtur ‘Kthesa e Kamzës’, në zonën e Laprakës, shtetasi Ilir Meta po udhëtonte me një automjet në drejtim të Tiranës.

Në këtë moment është bërë ndalimi i automjetit dhe  drejtuesi i grupit operacional i ka komunikuar shtetasit Ilir Meta vendimin e gjykatës për masën e sigurisë “Arrest në burg”  dhe i ka kërkuar të zbresë nga automjeti.

Shtetasi Ilir Meta ka reaguar në mënyrë refuzuese dhe kundërshtuese dhe ka lëshuar fjalë fyese në drejtim të përfaqësuesve të Policisë dhe Drejtësisë.

Bazuar në procedurën e parashikuar nga Rregullorja, ai është nxjerrë nga automjeti dhe shoqëruar forcërisht.

Policia e Shtetit nënvizon se përdorimi i forcës për shoqërimin e subjektit u imponua nga kundërshtimi me forcë prej tij  për zbatimin e vendimit të gjykatës që iu komunikua nga punonjësit e Policisë.

Tedi Blushi ka shpërthyer në kauza ndaj kreu të SPAK Altin Dumani, pas arrestimit të Ilir Metës.

Ka guxuar të marrë peng ish kryeministrin, ish-kryetarin e Kuvendit dhe ish-president. Mesazh për ata horra që guxuan të vënë dorë mbi kryetarin e PL. Mënyra dhe akti kriminal i paligjshëm dhe terrorist i një strukture terroriste që kërkon të eliminojë opozitën do marrë përgjigje shembullore. Arsyet e arrestimit, çështja e detit, mbrojtja që i ka bërë sovranitetit të republikë së Shqipërisë dhe lufta me bandën e Ramës dhe Sorors. Këta kriminelë dhe terroristë do trajtohen si terroristë dhe do marrin përgjigjen e merituar. Është akt terrorist sepse nuk mund të ndodhë në asnjë vend demokratik ato skena të fëlliqura. Ai ndalim termosit me njerëz me kapuça të zinj që ndalojnë në mes të rrugë ish-presidentin pa u identifikuar, e kanë tentuar ta nxjerrin me forcë nga makina, persona të maskuar, arrestuar dhe armatosur, kriminelë dhe terroristë. Kjo narko qeveri ka synim të eliminojë opozitën. Do marrin përgjigje të pamëshirë. Përgjigje për këta terroristë, këtë fëlliqësirë të drejtësisë shqiptare, këtë xhelat të Edi Ramës, që po asgjëson opozitarizmin politik me këto metoda kriminale do marrë përgjigjen e merituar.

Report Tv sjell një video të re nga arrestimi i momenti i arrestimit të Ilir Metës. Meta po kthehej nga Kosova kur është ndaluar te Kthesa e Kamzës nga Agjentët e BKH.

Duket se ka pasur rezistencë nga Meta në momentin e arrestimit.