VIDEO/ Erzeni 'del nga shtrati' dhe mund 1-2 Partizanin në 'Air Albania', Tedi Cara gabon penalltinë

Në "Air Albania", Partizani u mund 1-2 nga Erzeni për javën e 18-të të Superligës. Sfida e zhvilluar në kryeqytet ishte e fundit për këtë vit 2023 në elitën e futbollit shqiptar, çka shënjoi edhe fundin e fazës së dytë ose thënë ndryshe mesin e sezonit.

Shijakasit bënë surprizën këtë të dielë, teksa mundën kampionët në fuqi dhe i shkaktojnë humbjen e parë Abilaliajt në stolin e "Demave". Të besuarit e Alfred Deliallisit shënuan me Mihanën në minutën e 12-të dhe Kahrimanovic në të 44 minutë nga penalltia.

Me nisjen e pjesës së dytë ishin vendasit që shkurtuan për 1-2 me Bintsouka në të 52 minutë, ndërsa vetëm pak çaste më vonë Tedi Cara gaboi nga 11 metra, penallti e cila u prit nga Hasanbelli.

Pas fundit të fazës së dytë, Partizani me 32 pikë mban vendin e dytë, pesë pikë më pak se kryesuesit e Egnatias. Erzeni me 21 pikë shkon në pozitën e tetë.

 

 

 

 

Lajmi kryesor:

GOLAT/ Tirana 'shuplakë' Egnatias, bardheblutë pesë gola në udhëtim! Erzeni mposht Partizanin në 'Air Albania' (Renditja)

S.DH/Shqiptarja.com

TAG:
• superliga
• tirana
• egnatia
• partizani
• Erzeni