Shqipëria U-17 zhvilloi mesditën e kësaj të mërkure ndeshjen e parë kualifikuese kundër Francës U-17 në stadiumin ‘Air Albania’, e vlefshme për fazën ‘Elite Round’ të Kampionatit Europian 2023. Kuqezinjtë e drejtuar nga trajneri Ervin Bulku u mposhtën nga kampionët në fuqi të Europës, me rezultatin 4-0.

Dueli u zhbllokua në minutën e 26-të nga Menadjou, teksa pas vetëm tre minutash kuqezinjtë pësuan sërish me Issoufou. Edhe pjesa e dytë foli për "Gjelat", që shënuan edhe dy herë të tjera me Bouned (68) dhe Lambourde (85).

Në grupin B të kësaj faze, kuqezinjtë e vegjël kanë kundërshtarë edhe Letoninë dhe Zvicrën, me fokusin që është te duelet e radhës. Sfida e dytë e Shqipërisë do të jetë ajo ndaj Zvicrës, të shtunën e 25 marsit në stadiumin ‘Air Albania’ më 17:00, ndërsa ndeshja e tretë është ajo kundër Letonisë po në stadiumin ‘Air Albania’, e planifikuar të luhet në 28 mars.

Trajneri Bulku hodhi në fushë këtë 11-she titullare: Amarildo Dervishi (GK), Ernesto Bakiu, Adi Kurti (C), Alion Damini, Jordi Jaku, Frederik Tosku, Flavio Sulejmani, Ergi Bastari, Dean Vraniçi, Kledi Marinaj, Egert Selmani.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera