“Pas vitesh përpjekjesh lodhëse, duke kaluar vështirësi teknike dhe certifikimi, ekipi jonë arriti të krijojë një veturë fluturuese inovative, konform me normat e sigurisë ekzistuese të përcaktuara nga organet rregulluese në botë”, ka deklaruar drejtuesi i përgjithshëm i PAL-V, Robert Dingemanse.
Kjo makinë është e para që përdor një teknologji rotori dhe është e aftë të udhëtojë me një shpejtësi prej 112 milje në orë, si në tokë ashtu edhe në ajër.
Momentalisht të dy modelet e prezantuara nga kompania mund të mbajnë vetëm dy persona në bordin e tyre.
Por edhe pse është një përparim i madh në teknologjinë e transportit të njerëzve, ende jemi shumë larg të bërjes së këtyre makinave popullore, pasi një makinë të tillë mund të blihet në modelin bazë të saj për 400 mijë dollarë.
Pritet që dorëzimi i parë i këtyre mjeteve te personat të cilët kanë kryer porosi pranë kompanisë të fillon në muajt e fundit të këtij viti ose në muajt e parë të vitit 2018.