Por historia e teknologjisë në futboll është shkruar vetëm një ditë më parë, në Japoni, aty ku po zhvillohet edhe Botërori i Klubeve.
Është pikërisht Victor Kassai, ai që në ndeshjen gjysmëfinale mes Kashima Antlers dhe Atletico Nacional ka akorduar penallti në favor të japonezëve pasi ka rishikuar vendimin e marë në moviolat e vendosura pranë fushës.
Pas protestave nga të dyja kampet, hungarezi ka ndërprerë lojën duke shkuar në vendin ku janë montuar “arbitrat elektronikë” duke riparë edhe njëherë aksionin ku u shkaktua faulli e duke u siguruar mbi vendimin e marrë.
FIFA po përdor këtë kompeticion si provë për të parë nëse do të jetë i nevojshëm apo jo përdorimi i teknologjisë në kompeticionet e ardhshme të saj. Kjo risi hap një kapitull të ri në futbollin ndërkontinental, me teknologjinë që pritet t’i japë fund debateve dhe polemikave në kundërshtim me vendimet arbitrare.
Redaksia Online
K.M/Shqiptarja.com