Një 55-vjeçar është arrestuar mbrëmjen e djeshme nga Policia e Tiranës.

Në një video të publikuar nga Policia e Tiranës dallohet makina e V.F e cila kalon semaforin me të kuq dhe më pas ndalohet nga Policia.

Një punonjëse e policise i thotë se ka kaluar me të kuq, por 55-vjeçari e kundërshton duke thënë se ishte me portokalli.

Më pas efektivët e policisë i kanë bërë dy teste alkoli ku V.F ka rezultuar i dehur me më shumë se 0.70 mg/l.

Ai është arrestuar më pas, ndërkohë që ka kontestuar këtë veprim të policisë.

Policja "kap" shoferin e dehur:

Policja: U fute me të kuq. 

Shoferi: U futa me të verdhë

Policja: I ke rënë edhe karrexhatës kundravajtje. 

Policja: Do bësh testin e alkoolit. 

Polici: Fryji fort. Boll. 

Polici: 0.71, për 5 minuta do të bëjmë një test tjetër. 

Polici: Fryji. 

Polici: Testi i parë 0.71 mg/l, testi i dytë 0.75 mg/l. 

Polici: Që nga ky moment jeni i arrestuar se drejtoni mjetin në gjendje të dehur.  

Redaksia Online
l.q/Shqiptarja.com