Më 20 prill të vitit të kaluar, emri i Elis Rroshkodol (Shkoza aktualisht) do ridilte në skenë për një tjetër ngjarje kriminale, pas grabitjeve të frikshme me grupin e Shkodrës në Belgjikë, gjatë vitit 2014, kur edhe u arrestua për herë të parë.
Teksa kishte udhëtuar në Rumani me urgjencë, qëndroi për dy ditë në një hotel në Bukuresht, në zonën e Dorobanti dhe përndoqi shënjestrën e tij, biznesmenin milioner Jean Sassu, pronar i rrjetit të lokaleve po luksoze dhe tavernave të njohura si “Nuba”.
Në momentin gjatë mesditës, kur e pa që ishte i vetëm dhe pa tre truprojat e tij, e sulmoi nga pas shpine. Mediat rumune dhe policia publikuan edhe pamjet, teksa 35-vjeçari nga Shkodra i shkon nga pas biznesmenit gati bashkëmoshatar dhe e godet në shpinë me thikë.
Në atë kohë, policia teksa publikonte emrin e Elis Rroshkodolit dhe e shpallte në kërkim me vendim gjykate si të dyshuar, njoftoi edhe disa nga pistat e mundshme. Fakti që shqiptari kishte udhëtuar në Rumani dhe ndjekur shënjestrën, u dyshua për skenarin e një krimi të porositur me qëllim dhënien e një mesazhi paralajmërues mes grupeve, një hakmarrje apo një gjest i mundshëm frikësimi nga një rival biznesi.
Vetë i dëmtuari tha pas ngjarjes se nuk kam mërzitur askënd". Biznesmeni u shtrua në spitalin Floreasca, teksa i cilësuar si “milioneri i ri”, Jean Sassu foli atëkohë (24 prill 2023) me gazetarët e medias rumune “Observator”, për gjithçka që ndodhi.
Moment nga plagosja dhe i dyshuari Elis Rroshkodol, me kapele
“Jam më mirë pas 4 ditësh në spital. Do të përpiqem të përshkruaj një rreth të dyshuarish, por për momentin nuk kam asnjë. Për momentin nuk e kuptoj, nuk kam armiq, shpresoj që jo. Ndoshta ishte mesazh, por s’e kuptoj, nuk kam konflikte. Kisha truproja të punësuar, por jo në ato momente”, tha ai.
Gjyqtarët rumunë lëshuan një urdhër arresti në mungesë për Elis Rroshkodol, 35-vjeçar, menjëherë pas identifikimit nga pamjet e kamerave. Autoritetet rumune thanë se autori e kishte paramenduar atentatin.
“Ai erdhi në Bukuresht dy ditë para sulmit, qëndroi në një hotel në zonën veriore dhe përndoqi Jean Sasu gjatë gjithë kësaj kohe. Kur ka arritur momentin e ka goditur me thikë pas shpine. Më pas ai u zhduk. Ka përfituar nga vonesa e policisë, teksa pas dy orësh në kufi ka fluturuar drejt Turqisë. Edhe nëse sulmuesi nuk ndodhet më në vend, Jean Sasu ka frikë se mos kërcënohet sërish, ndaj ka marrë masa”, shkruanin mediat rumune pas ngjarjes.
Biznesmeni rumun Jean Sassu, duke folur nga spitali dhe autori i plagosjes
Pothuajse pesë ditë pas sulmit, siguria e tavernës ku ndodhi ky incident u dyfishua, po aq sa edhe truprojat e të tre pronarëve që zotërojnë të gjithë zinxhirin e lokaleve.
Sassu tha vitin e kaluar se shpresonte që autoritetet të bënin punën e tyre.
“Ne jemi duke punuar së bashku me autoritetet, presim që ata të përfundojnë të gjithë hetimin. Unë kurrë nuk e kam inatosur dikë aq shumë sa të dërgoj një mesazh të tillë. Jam ende në pritje të zbardhjes. E kam parë vetëm në filma”, do shprehej ai.
Elis Rroshkodol (Shkoza) u vra sot (30 Gusht) në Shkodër me armë zjarri, nga një person i paidentifikuar ende.
Lajme të tjera
-
'Masakra e Shkodrës me 4 të vrarë, pranga personit që vodhi 'Range Rover-in' e autorëve! Arrestimi u mbajt i fshehtë disa ditë, por s'pranoi të bashkëpunonte
26 Nëntor, 10:07
-
Aksident në aksin 'Shkodër-Koplik' mëngjesin e sotëm, automjeti përplasi për vdekje 80-vjeçarin
26 Nëntor, 08:15 -
Shoqatat e ish-të Përndjekurve takim në Shkodër: 'Të nisin kërkimet për të zhdukurit e Komunizmit!' Imzot Massafra: Shteti të përshpejtojë procesin
25 Nëntor, 14:31
-
Kandidati prorus prin në zgjedhjet presidenciale në Rumani
25 Nëntor, 09:41 -
Nga Piemonti në Shkodër, pensionistët italianë: Hoqëm dorë nga gjithçka sepse jeta këtu kushton shumë më pak
25 Nëntor, 09:07
-
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32 -
Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë
24 Nëntor, 10:00 -
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44
