Pjesë shumë e rëndësishme e ndeshjeve të Europianit sigurisht që janë edhe tifozët duke qenë mbështetja më e madhe për skuadrat e tyre. Por ndonjëherë mënyra që tifozët zgjedhin për të mbështetur kombëtaret e tyre është e gabuar. E këtë detaj e treguan më së miri huliganët anglezë e ata rusë.
 
Tifozët e Irlandës dhe Suedisë kanë dhënë shembullin e një tifozërie perfekte duke u harmonizuar midis tyre pavarësisht rezultatit dhe ndeshjes. Në fund të fundit kjo është ajo që futbolli pretendon, të argëtojë dhe socializojë njerëzit pa pasur rëndësi se cili është rezultati.