Superliga shqiptare e futbollit vijon javën e katërt. Këtë të hënë, me fillim nga ora 16:00, Tirana fitoi 1-2 me Kukësin. Në "Kukës Arena" miqtë u treguan më të saktë në pjesën e dytë, aty ku u shënuan edhe golat. Me këto tri pikë, bardheblutë e Orges Shehit vijojnë të kryesojnë renditjen.

Pjesa e parë nisi në ekuilibër, me dy skuadrat që nuk kërkuan të rrezikonin dhe 45 minutat e para u mbyllën 0-0. Në fraksionin e dytë ishte Ardit Hila që kaloi në avantazh miqtë, me një gol nga brenda zonës. Në zhvillimet e një këndoreje, mesfushori përfitoi dhe mposhti Tafasin në portë.

Dhjetë minuta më vonë, Ilion Lika u tregua hero për Tiranën. Gardiani ndali goditjen me kokë të Beshiraj, duke shpëtuar të tijtë. Në minutën e 82 ishte Albi Doka që shënoi golin e qetësisë te Tirana dhe të parin për të këtë sezon. Në shtesën e shtatë (90+7), ishte Beshiraj që shënoi golin e nderit te Kukësi për rezultatin final 1-2.

Me këtë fitore, Tirana ngjitet në kuotën e 10 pikëve për vendin e parë, ndërsa Kukësi vijon mos ketë asnjë pikë këtë sezon, duke mbajtur vendin e fundit në elitën e futbollit shqiptar.

S.Dh/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Janar, 18:35

    Arratisja e Ndocit, mendoni se Burgjet kanë standardet e duhura të sigurisë?

Lajme të tjera