Premier League e futbollit në Angli mbylli të enjten raundin e 21-të me barazimin 0-0 mes Arsenalit dhe Liverpoolit.

Skuadra e Mikel Artetës ishte më kërkuese në fraksionin e parë, duke dominuar në mbajtjen e topit dhe duke prodhuar rastet më të rrezikshme. Bukayo Saka dhe Declan Rice testuan vazhdimisht portierin Alisson, i cili u bë protagonist me disa pritje vendimtare. Momenti kulmor erdhi në minutën e 44-të, kur braziliani ndali një goditje të fuqishme të Rice nga distanca. Arsenal kërcënoi edhe nga krahët me Timber dhe Trossard, por mbrojtja e Liverpoolit rezistoi.

Në krahun tjetër, ekipi i Arne Slot u rrit me kalimin e minutave. Rastin më të mirë e pati Conor Bradley në minutën e 27-të, kur goditi shtyllën pas një topi të kthyer në zonë. Dominik Szoboszlai provoi disa herë nga distanca dhe nga goditjet standarde, por pa sukses.

Pjesa e dytë solli një 'luftë' të fortë në mesfushë, ritëm të shpejtë dhe pak hapësira për kreativitet, duke bërë që rastet e pastra të mungonin. Me këtë barazim, Arsenali ruan vendin e parë në renditje me 49 pikë, ndërsa Liverpooli pozicionohet i katërti me 35 pikë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si po e menaxhon qeveria situatën e përmbytjeve?

Lajme të tjera