Policia e Shtetit ka publikuar momentin e arrestimit të biznesmenit Memli Begalla në datë 14 Shkurt. Dy të arrestuarit, Denis Demiri, i cili akuzohet se ekzekutoi biznesmenin, ndërsa Ardian Serezi është i arrestuari i dytë si bashkëpunëtor në vrasje. Në pamjet e publikuara nga policia, autorët duken mjaft të qetë, teksa kanë parkuar makinën vetëm pak metra larg vendit ku ekzekutuan biznesmenin. Pas vrasjes ata janë larguar, sikur raportoi Report Tv me makinën tip BMW ngjyrë të zezë në drejtim të Kombinatit, ku i kanë hequr targat.

“Shpëtuam se u kapën të tjerë”/ Ja si u zbuluan vrasësit
Policia qëllimisht ka mbajtur të ndaluar disa prej personave që u ka pasur borxh viktima për të hequr vëmendjen e autorëve të vërtetë. Ndërsa dy të arrestuarit janë mbajtur në përgjim për 6 ditë radhazi, kur kanë folur me njëri tjetrin kanë thënë se “shpëtuam ne, se u kapën të tjerë”. Të arrestuarit janë takuar disa herë me njëri tjetrin dhe në komunikimet që kanë pasur përsërisnin që  ‘shpëtuan pasi ishin ndaluar persona të tjerë’. Gjithashtu, provat e shenjave të gishtave policia i ka marrë nga një lokal ku ata ishin për kafe. Janë krahasuar me disa gjurmë që u gjetën në vendin e ngjarjes duke bërë lidhjen. Pasi dokumentoi të gjitha provat e nevojshme policia ndërhyri duke arrestuar dy personat.



d.b/shqiptarja.com