VIDEO/ Ngjarje e rëndë në futbollin amerikan, lojtari pëson kolaps në fushë pas përplasjes! Ndërpritet ndeshja

Ylli i futbollit amerikan, Damar Hamlin është në gjendje kritike pasi pësoi arrest kardiak gjatë një ndeshje të Ligës Kombëtare të Futbollit të SHBA-së. Lojtari i Buffalo Bills, 24 vjeç, ra në tokë pasi u përplas me një kundërshtar gjatë çerekut të parë të ndeshjes kundër Cincinnati Bengals. Ai mori kujdes mjekësor në fushë për më shumë se 30 minuta përpara se të dërgohej në një spital lokal.

NFL pezulloi lojën një orë pas incidentit. Ekipi i tij, Buffalo Bills më vonë konfirmoi arrestin kardiak në një deklaratë dhe shtoi se rrahjet e zemrës ishin rikthyer në fushë.

Lojtarët nga të dy skuadrat u mblodhën rreth Hamlinit ndërsa stafi mjekësor i urgjencës e ndihmoi me oksigjen. Disa nga lojtarët u panë dukshëm të shqetësuar, me disa që u ulën në gjunjë për t'u lutur dhe disa të përlotur. Mbulimi televiziv shkëputi vazhdimisht skenat në fushë, ndërsa tifozët në Cincinnati qëndruan të heshtur.

Jordon Rooney, përfaqësuesi i Hamlin tha për mediat: "Jeta e tij është kthyer në normalitet dhe mjekët e kanë vënë në gjumë për t'i vënë një tub frymëmarrjeje. Ata aktualisht janë duke kryer teste. Ne do të ofrojmë përditësime ashtu siç i kemi", thuhet në reagim.