Qazim Laçi vijon me formën e mirë në Superligën turke të futbollit. Skuadra e shqiptarit, Rizespor fitoi të enjten 4-1 kundër Samsunsporit për raundin e 27-të, teksa Laçi shënoi një gol dhe asistoi në dy të tjerë.

Në minutën e 43-të, gjatë një krosimi nga këndi, Laçi tentoi të shënonte një supergol 'fluturimthi', por goditja e tij u thye në asist për Mocsi i cili gjeti golin e dytë për Rizespor.

Më pas, në minutën e tretë shtesë të pjesës së parë Laçi shënoi vetë golin e tretë dhe të qetësisë për vendasit. Forma e mirë e mesfushorit të Kombëtares kuqezi u pa edhe në minutën e 50-të, kur asistoi nga mesi i fushës për Auguston.

Laçi deri në këtë pikë të sezonit ka luajtur 26 ndeshje në Superligën turke, duke shënuar pesë gola dhe dhënë tetë asistime për 2154 minuta në total.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Prill, 10:55

    Armëpushim dyjavor, a besoni se SHBA-Iran do arrijnë edhe një marrëveshje afatgjatë?

Lajme të tjera