Kombëtarja shqiptare e futbollit humbi 1-0 kundër Katarit në ndeshjen miqësore të zhvilluar pasditen e së mërkurës në Marbella të Spanjës. Ndeshja u vendos nga goli i Almoez Ali në minutën e 38 nga penalltia. Rrapaj u tregua i pakujdesshën në ndërhyrjen brenda zonës, duke i dhënë mundësinë skuadrës së Katarit për të gjetur rrjetën.

Pjesa e dytë ishte e luftuar për tanët, që patën shanset e tyre me H. Markun dhe Turkaj për të barazuar, por pa sukses. Pas barazimit në 26 tetor me Arabinë Saudite 1-1, këtë herë kuqezinjtë marrin një humbje në miqësore.

Kujtojmë se dueli i sotëm dhe ai me Arabinë Saudite ishin jashtë datave të planifikuara nga UEFA, me trajnerin Edy Reja që grumbulloi në shumicë lojtarë nga Superliga shqiptare. Edhe sot tifozët kuqezi nuk patën mundësi të ndiqnin ndeshjen në televizion, pasi kërkesa e Katarit që luan në Botërorin 2022 dhe nis në 20 nëntor bëri që dueli mos transmetohej.

Formacioni zyrtar:

Shqipëria: Dajsinani, Gurishta, Janku, Turkaj, Hadroj, Rrapaj, Ujka, Kallaku, Hakaj, Cara, Abazaj

VIDEO - Goli i Katarit

 

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • gomari babatasi: 10/11/2022 13:26

    ku i kane vene teluajne ne anekse sportive te lagjeve teKatarit ajde vlersim qe na bejn

    Përgjigju
  • erjon: 09/11/2022 21:51

    Si gjithemon krenar por te dhier.

    Përgjigju
    • Eri: 10/11/2022 06:30

      Sa te kemi Rejën, sdo len humbje pa kapur.

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera