TIRANË - Kombëtarja shqiptare e futbollit mëngjesin e sotëm mbylli përgatitjet në “Shtëpinë e Futbollit” dhe është nisur drejt Austrisë.
Nën një atmosferë fantastike, menjëherë pas përfundimit të stërvitjes djemtë kuqezi përjetuan një emocion të veçantë. E gjithë administrata e FSHF-së dhe disa fëmijë nga akademitë e futbollit në Tiranë takuan lojtarët dhe stafin teknik, duke i uruar suksese dhe një përfaqësim sa më dinjitoz në finalet e Kampionatit Europian “Gjermani 2024”.
Kuqezinjtë do bujtin në Graz të Austrisë ku do rrinë deri më 8 qershor, ndërsa do përgatisin edhe dy miqësoret, ato kundër Lihtenshtajnit (3 qershor) dhe Azerbajxhanit (7 qershor), që do luhen në Hungari.
![](https://shqiptarja.com/template/img/NO_ALFA_Kuadrate shqiptarja.png)
Pas ndeshjeve ekipi do stacionohet në Dortmund, aty ku është kampi bazë për përgatitjet e tre ndeshjeve në finalet e Grupit B, ato kundër Italisë, Spanjës dhe Kroacisë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)