Premier League e futbollit në Angli vijon sot me ndeshjet e raundit të 18-të. Në "City Ground", vendasit e Nottingham u mposhtën 1-2 nga Manchester City. "Qytetarët" e Pep Guardiolës morën tri pikë me peshë dhe pas gjashtë fitoreve radhazi e shohin veten për momentin në krye të renditjes.

Pjesa e parë u mbyll pa gola, ndërsa gjithçka u vendos në fraksionin e dytë të sfidës. Ishte Tijani Reijnders në minutën e 48-të që kaloi në epërsi Man. Cityn, para se Omari Hutchinson në minutën e 54-t të vendoste ekuilibrat.

Pas golit të pësuar ekipi i Guardiolës shtyu në sulm dhe ia doli të gjente golin me vlerën e tri pikëve shtatë minuta para fundit me Rayan Cherki. Festa ishte legjitime për miqtë që janë në rrugën e duhur për titullin kampion, ndërsa tanimë presioni është në anën e Arsenalit.

Pas fitores së Manchester United dhe Cityt, sot Premier League vazhdon programin me gjashtë sfidat e tjera. Titullar për Burnleyn është edhe Armando Broja.

Premier League, raundi 18-të:

E shtunë, 27 dhjetor 2025

13:30 Nottingham 1-2 Manchester City

16:00

Arsenal - Brighton

Brentford -Bournemouth

Burnley - Everton

Liverpool - Wolves

West Ham - Fulham

18:30 Chelsea - Aston Villa

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Shkurt, 17:02

    Si e vlerësoni sulmin e SHBA dhe Izraelit ndaj Iranit?

Lajme të tjera