Një video e publikuar në mediat e Kosovës, Millan Radoiçiçi, udhëheqësi i agresionit të grupit terrorist të armatosur të Serbisë më 24 shtator të vitit kaluar në fshatin Banjskë, shihet duke grushtuar brutalisht Aleksandar Spiriç, ish-kryetarin ilegal të Mitrovicës së Veriut. Sipas burimeve të RTK-së, ngjarja ka ndodhur kohë më parë në hotelin “GREY” në Kopaonik, që është pronë e Millan Radoiçiçit.
Millan Radoiçiçi, udhëheqësi i agresionit të grupit terrorist të armatosur të Serbisë më 24 shtator të vitit kaluar në fshatin Banjskë, mësohet se po zbaton një fushatë të egër ndaj serbëve që i dalin kundër interesave të tij biznesore, por edhe atyre politike.
Aleksandar Spiriç ka ushtruar detyrën e kryetarit ilegal të Mitrovicës së Veriut nga viti 2020 deri në vitin 2023.
Radiotelevizioni i Kosovës ka tentuar të vejë kontakt me z.Spiriç, por një gjë e tillë ka qenë e pamundur.
Ndërkohë kontaktuar Policinë e Kosovës për të marrë informacione nëse Spiriç ka hapur ndonjëherë në Policinë e Kosovës ndonjë rast kundër Milan Radojiçiçit. Sipas Veton Elshani nga Policia e Kosovës, në këtë institucion nuk është paraqitur ndonjë denoncim nga Spiriçi.
Millan Radoiçiçi, udhëheqësi i agresionit të grupit terrorist, i ka nxjerrë telashe të mëdha edhe politikanit serb, Nikola Sanduloviç. Politikani opozitar ishte arrestuar dhe rrahur nga BIA serbe më 3 janar të këtij viti.
Në një intervistë dhënë për RTK Prime, Sanduloviç tha se Radojiçiç ishte i pranishëm gjatë rrahjes së tij.
“Nëse e shtoj që i kam njohur fytyrat, të cilët janë shumë të njohur për ju. Ekziston mundësi e madhe që njërin prej tyre e kam njohur dhe mund ta them se ka qenë Millan Radoiçiç, ndërsa personi tjetër, i cili për katër orë ka qëndruar mbi mua, më është futur në fytyrë, më ka grushtuar pas koke dhe m`i ka shkelur duart me këmbë, sepse e shikonim njëri-tjetrin në sy në një largësi prej 20 deri 30 centimetra, dhe ata sy i kam mbajtur në mend dhe me siguri të madhe mund të them që ai ka qenë Zvonko Veselinoviq”, ka deklaruar Sanduloviç
Millan Radoiçiç kishte pranuar se ka qenë në fshatin Banjskë të Zveçanit më 24 shtator të vitit 2023 dhe se i ka bërë të gjitha përgatitjet logjistike për ngjarjet e asaj dite, ku nga terroristët serbë, në kryerje të detyrës ka rënë polici, Afrim Bunjaku.
Millan Radoiçiç dhe të dyshuarit që realizuan sulmin terrorist të 24 shtatorit në Banjskë, së fundi janë shpallur në sistemin e urdhër arrestit ndërkombëtar të INTERPOL-it.
Pas sulmit terrorist në Banjskë Radoiçiçi është futur edhe në listën e të kërkuarve nga INTERPOL, kurse kohë më parë, SHBA dhe Britania e Madhe e kishin vendosur në listën e zezë.
Edhe pse kanë kaluar disa muaj prej kur ka ndodhur sulmi terrorist në Banjskë, autoritetet në Serbi ende nuk kanë bërë progres në hetimin e kësaj ngjarjeje.
Edhe senatorja amerikane, demokratja Jeanne Shaheen, ditë më parë nga Konferenca e Munihut, tha se Millan Radoiçiç duhet të arrestohet dhe të përballet me drejtësinë lidhur me ngjarjet e shtatorit të Banjskë të Zveçanit. /Rtk/
Lajme të tjera
-
Maqedonci: Ekziston rreziku i përsëritjes së rastit 'Banjska' në Kosovë, trajnohen në Serbi! Kemi forcuar kushtet e sigurisë bashkë me KFOR-in
20 Shtator, 12:18 -
Aktakuza për Banjskën: Si e ndihmuan Steviq dhe kompania e tij Radoiçiqin?
19 Shtator, 11:48 -
Si u organizua sulmi terrorist në Banjskë? A ishte i informuar Vuçiç, çfarë paralajmëronte Radoiçiçi në vazhdimësi
13 Shtator, 18:59 -
Kosovë/ Agjencia e Inteligjencës: Grupi terrorist i Radojiçiqit po kryen ushtrime në rrethinën e NoviPazarit, Kopaunikut dhe Kralevës
17 Korrik, 15:54 -
Policia e Kosovës e merr në pyetje gruan e Millan Radoiçiçit
6 Qershor, 16:59 -
Kush do t’i shfrytëzojë pronat e Radoiçiçit?
8 Prill, 21:55 -
Vilë buzë liqenit, restorant dhe apartament, konfiskohen tri prona të Radoiçiçit në Kosovë
4 Prill, 17:05 -
Kosovë, zbatohet urdhri për konfiskimin e pasurive të paluajtshme të Milan Radoiçiç
3 Prill, 20:35 -
Media: Pas kreu sulmin në Banjskë, Serbia ia dha 8.5 milionë euro kompanisë së RadoiçiçIt
14 Mars, 21:59 -
Radoiçiç pronar i një kompleksi në Beograd, fqinj me kryeministren serbe Brnabiç
14 Mars, 20:42 -
Në Beograd nuk tregojnë se ku dhe kur u takuan Gjuriç e Radoiçiç
12 Mars, 11:30 -
Sulmi në Banjskë, DASH: Radoiçiçi është kriminel që duhet të mbahet përgjegjës
12 Mars, 07:16
