Në "Olimpicon" e Torinos, vendasit u mposhtën 0-2 nga Roma. Ekipi i Gasperinit duket se po kthehet në shinat e duhura pasi ka siguruar fitoren e tretë radhazi. I sapoafruari në ekip, Donyell Malen, u tregua menjëherë deçiziv dhe në minutën e 23-të e dërgoi topin në rrjetë, por VAR anuloi golin për pozicion jashtë loje. Gjithsesi Malen vetëm tre minuta më pas kaloi Romën në epërsi pas asistit të Dybala. Edhe pjesa e dytë u kontrollua nga Roma që shënoi golin e dytë me Dybalan për t'u ngjitur në vendin e katërt dhe lënë pas Juventusin. Gjatë gjithë ndeshjes titullar luajti Ardian Ismajli, ndërsa Kristjan Asllani për të dytën ndeshje radhazi nuk ishte as në stol. Asllani dhe Torino duket se do ndajnë rrugët pas vetëm disa muajve.

S.Dh/Shqiptarja.com
  • Sondazhi i ditës: 28 Shkurt, 17:02

    Si e vlerësoni sulmin e SHBA dhe Izraelit ndaj Iranit?

Lajme të tjera