TIRANE-Rreth 308 gramë lëndë narkotike e dyshuar kokainë është sekuestruar nga policia e kryeqytetit.
 
Në prangat e policisë ka rënë një 34-vjeçar i cili shpërndante drogën në zona të ndryshme të Tiranës.
 
Arrestimi i Krenar Liçit është bërë në afërsi të zonës së Kinostudios, ku në automjetin tip “Wolkswagen” është gjetur dhe sasia e drogës.
 
Materialet proceduriale i kaluan Prokurorisë pranë Gjykatës së shkallës së Parë Tiranë, për veprën penale “Prodhimi dhe shitja e narkotike.

E fshehur poshtë frenave të dorës

Policia është afruar menjëherë makinës së dyshuar ku disponoheshin dhe informacione dhe ka kërkuar drejtuesit të makinës të dali nga makinë. Menjëherë është vënë në pranga ndërsa gjatë kontrollit poshtë frenave të dorës është gjetur dhe kokaina. Ai menjëherë është shoqëruar për Drejtorinë e Policisë Tiranë.
 
Pas peshimit të kokainës, rezultoi se pesha ishte 308 gramë. 

[gallery]21897[/gallery]

Redaksia Online
B.B/Shqiptarja.com