Kombëtarja shqiptare e 21 vjeçarëve në futboll është mundur sot 4-2 nga Mali i Zi në një test miqësor të zhvilluar në Podgoricë. Djemtë e Alban Bushit me emra të rinj në ekip nuk ia dolën të merrnin një tjetër sukses, pas fitores me San Marinon katër ditë më parë.

Ndeshja do hapej me golin e Vukotic në minutën e 11 të pjesës së parë për Malin e Zi, teksa Pajaziti në minutën e 25 do shënonte një supergol nga 25 metra me një goditje të kalibruar nga gjuajtja e lirë.

Kuqezinjtë pësuan sërish në minutën e 49 me Bajovic, teksa Dragaj barazoi në minutën e 50, teksa më pas tanët mbetën me një lojtar më pak pas daljes me karton të kuq të Aleksandros Robi. Kaq duhej që malazezët të shënonin edhe dy herë të tjera me Bjovic dhe Dasic.

Formacioni i Shqipërisë:

Simon Simoni, Agan Mjaki, Geralb Smajli, Mario Mitaj, Renaldo Torraj, Rejan Alivoda, Adrion Pajaziti, Klevis Dragaj, Alexandros Robi, Aldi Gjumsi, Behar Ismaili

U21/ Mali i Zi 4 - 2 Shqipëri

Shënues: Vukotiç 11’, Bajoviç 49’, 65’, Dasiç 76’ /Pajaziti 25’, Dragaj 50’

Supergoli i Pajazitit:

 

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera