Ishin katalanasit ata të cilët kaluan të parët në avantazh me anë të Luis Suarez në minutën e 53-të, pasi pjesa e parë ishte mbyllur me rrjeta të paprekura. Suarez shënoi duke goditur me kokë një top të krosuar nga Nejmar me goditje dënimi.
Reali nuk u dorëzua dhe kërkoi të barazonte shifrat deri në fund të takimit. Golin e gjeti i zakonshmi i minutave të fundit, Serxhio Ramos, i cili në të 90-n, goditi saktë me kokë një top të krosuar nga Modriç i cili ekzekutoi një goditjeje dënimi.
Pas këtij takimi, Reali vazhdon të mbetet i pamposhtur duke kryesuar klasifikimin me 34 pikë të grumbulluara. Ndërkohë Barcelona e ndjek në vendin e dytë me 28 pikë.