HOLANDË - AZ Alkmaar fitoi mbrëmjen e djeshme 1-0 ndaj Legias së Varshavës në ndeshjen e fazës së grupeve në Conference League, megjithëse ishin ngjarjet pas ndeshjes që bënë xhiron e medieve.

Dy lojtarë të Legias, Josue dhe Radovan Pankov u arrestuan dhe kaluan natën në një burg të Amsterdamit, ndërsa presidenti i klubit, Dariusz Mioduski dhe anëtarë të tjerë të stafit u përfshinë në një përleshje me sigurinë.

Skenat tronditëse kanë ndodhur pas ndeshjes teksa lojtarët dhe stafi i Legias tentuan të dilnin nga stadiumi. Një grindje mes Legias dhe personelit të sigurisë çoi në arrestimin e Josue dhe Pankov. Videoja e postuar në rrjetet sociale nga gazetari polak Piotr Kamieniecki tregon sulmuesin portugez Josue duke u shoqëruar në pranga nga policia holandeze.

Mediat holandeze kanë raportuar gjithashtu për sjellje të dhunshme dhe të padisiplinuara nga mbështetësit e Legias. Sipas De Telegraaf, tifozët miq thyen një nga portat e hyrjes së stadiumit, me policinë që nuk ishte e gatshme për t'i ndaluar ata.

Sipas raportit, njëri nga oficerët ka humbur ndjenjat. Zyrtari i shtypit i policisë zbuloi se disa pjesëtarë të tifozëve të Legia-s ishin paraqitur pa bileta. Sipas rregulloreve, tifozët pritej të merrnin biletat në një vend të veçantë përpara se të dërgoheshin në stadiumin e Alkmaar me autobus.

Në gjithë këtë incident janë përfshirë edhe dy lojtarët shqiptarë të Legia-s, Muçi dhe Çelhaka.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera