Finalja e Super Bowl në Shtetet e Bashkuara të Amerikës dhuroi spektakël të diel, me Kansas City Chiefs që mundën 35-38 Philadelphia Eagles në "Glendale" në Arizona. Për herë të dytë në katër vite, Kansas City shpallen kampion në finalen e Super Bowl që pati një shikueshmëri të madhe në SHBA.
Futbolli amerikan është ndër kompeticionet më të ndjekura në SHBA, me finalen e Super Bowl që veç lojës në fushë është e njohur edhe për spektaklin me këngë dhe performanca.
Në finalen e Arizonës, Harrison Butker realizoi një goditje nga 27 metra në tetë sekondat e fundit të lojës, duke i dhënë fitoren Kansas. Qendërmbrojtësi i Kansas, Patrick Mahomes u shpall njeriu i ndeshjes dhe MVP i sezonit.
Qendërmbrojtësi i Kansas City Chiefs, Patrick Mahomes mban trofeun
Pas humbjes së Super Bowl nga Kansas City Chiefs, trajneri i Philadelphia Eagles, Nick Sirianni, u tha lojtarëve të tij që ta kthenin dhimbjen e humbjes në një forcë.
"Unë thjesht u kujtova atyre se të gjitha gjërat që kemi kaluar në jetën tonë ishin diçka që ishte fatkeqësi; se ne do ta kapërcejmë edhe këtë. Tipi i djemve që kam aty na bën ta përdorim këtë për të na motivuar. Ne do ta përdorim këtë dhimbje, do ta përdorim këtë dështim për të na motivuar që të mund ta kthejmë atë në një forcë", tha Sirianni.
Trajneri i Philadelphia Eagles, Nick Sirianni
Lajme të tjera
-
Super Bowl 2024/ Kansas City mbron titullin, mposht San Francisco në kohen shtesë! Travis Kelce puth në buzë Taylor Swift
12 Shkurt, 08:45 -
Tjetër sukses për Rihannën, merr nominimin e parë të saj në Oscar, gati të performojë 'Lift me up"
24 Shkurt 2023, 09:43 -
Dre, Snoop, Eminem dhe 50 cent, ‘Super Bowl’ bën bashkë ‘mbretërit’ e rep-it në botë! I vihet ‘flaka’ skenës! Ja çfarë nuk vutë re nga performanca
15 Shkurt 2022, 10:16
