VIDEO/ Surpriza e ka emrin Girona, vendi i parafundit ndal Realin e Madridit në 'Bernabeu'! Kroos merr karton të kuq

Real Madrid barazoi 1-1 me Gironan për javën e 12 në La Liga. Skuadra e Ancelottit u ndal në shtëpi nga skuadra katalanase,  e renditur në vendin e parafundit në klasifikim, teksa Galaktikët janë vetëm një pikë më shumë se Barcelona në krye të renditjes.

Pjesa e parë nuk ka pasur asgjë për t'u evidentuar, me skenën që e morën 45 minutat e dyta. Në të 70 minutë Real Madrid gjeti avantazhin me Vinicius, që përfitoi në zonë dhe pranë portierit për të tundur rrjetën. Kur mendohej se vendasit kishin kontrollin e lojës, një prekje e topit me dorë nga Asensio në zonë u akordua 11 metërsh edhe me ndërhyrjen e VAR.

Stuani nuk gaboi përballë Courtois, duke dërguar shifrat në 1-1. Rodrygo për Real Madrid në të 90 minutë shënoi, por VAR ngriu festën për faull në zonë. Në minutën 90+2 Kroos doli nga fusha pas dy kartonave të verdhë. Edhe me nëntë minuta shtesë, Real nuk ia doli të shënojë golin e fitores.

Me 32 pikë Real Madrid prin La Liga, një pikë më shumë se Barcelona. Girona me 10 pikë lë fundin e renditjes dhe merr vendin e 16 në klasifikim.