Futbollistët e Kombëtares duken në formë para ndeshjes kundër Serbisë, e cila luhet më 11 tetor në Leskovac dhe vlen për Grupin K kualifikues të Kupës së Botës 2026. Taulant Seferi, Juljan Shehu dhe Arbër Hoxha kanë lënë gjurmë në ndeshjet e klubeve të tyre të mërkurën.

Në Turqi, Taulant Seferi shënoi dy gola në fitoren 2-0 të Bodrumspor kundër Vanspor, e vlefshme për raundin e shtatë në Ligën e Parë. Duhej minuta e 21-të që ndeshja të zhbllokohej, me Seferin që tundi rrjetën pas asistit të Fredy. Edhe në minutën e 60-të asistimi i Fredy u shfrytëzua nga Seferi, i cili shënoi golin e dytë personal. Vlen për t'u theksuar se sulmuesi nuk preferohet më nga Sylvinho dhe golat e tij janë si një sinjal për trajnerin e Kombëtares.

Në Poloni, Juljan Shehu dërgoi Widzew Lodz në 1/16 e Kupës. Me ndeshjen që ishte sigluar në shifrat 2-1 për Termalica, në minutën e 64-t në fushë u hodh Juljan Shehu. Mesfushori i Kombëtares ia doli të shënonte në minutën 90+1, duke barazuar gjithçka dhe dërguar ndeshjen në shtesë. Asnjë gol nuk u shënua në 30 minuta lojë dhe nga penalltitë miqtë e Lodz ishin më të saktë duke fituar 4-5, teksa nga 11 metërshi golin e pestë dhe të fitores e shënoi Shehu, i cili është kthyer në pikë referimi për polakët dhe Kombëtaren. Katër gola këtë sezon për Shehun.

Në Kroaci, Dinamo Zagrebi fitoi 3-1 kundër Fenerbahces për fazën e ligës në Europa League. Te goli i dytë i vendasve asistoi Arbër Hoxha, me sulmuesin anësor që fundjavën e shkuar gjeti edhe golin. 

Dopieta e Seferit

Goli i Juljan Shehut

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera