Kompeticioni i dytë për nga rëndësia në nivel klubesh në Evropë, Europa League, zhvilloi të mërkurën nëntë ndeshjet e para për raundin e parë të fazës së ligës. Skuadra si Roma, Freiburg, Dinamo Zagreb, Braga apo Ludogorets shijuan tri pikët e para këtë edicion të ri.

Në stadiumin 'Allianz Riviera', vendasit e Nice nuk mundën të merrnin një pikë para tifozëve të vet, duke u mposhtur 1-2 nga Roma. Dueli u karakterizua nga përleshje mes dy tifozerive jashtë stadiumit, përpara nisjes së sfidës. Edhe të martën pati përleshje në qytet, me policinë që arrestoi 102 tifozë të Romës. Në fushë, pjesa e parë u mbyll pa gola. Roma reagoi mirë në fraksionin e dytë dhe Ndicka e Mancini në minutat 52 dhe 55 shënuan golat që i dhanë tri pikë verdhekuqve. Për Nice Moffi në minutën e 77-të shkurtoi nga pika e bardhë e 11 metërshit. Këtë herë 'bomberin' te Roma e bënë dy qendërmbrojtësit.

Në 'Maksimir', Dinamo Zagreb fitoi 3-1 në shtëpi kundër Fenerbahces. Turqit, paçka se shkarkuan katër javë më parë Jose Mourinhon nga stoli, ende nuk e kanë marrë veten. Beljo kaloi Dinamon në epërsi, ndërsa Szymanski mbylli 1-1 pjesën e parë. Sërish Beljo në minutën e 50-të shënoi për vendasit, kjo pas pasimit final të Arbër Hoxhës. Në fund Bakrar "vuloi" shifrat për 3-1.

Pas përballjeve të para, Dinamo Zagreb, Midtjylland, Roma, Ludogorets, Freiburg dhe Braga kanë nga tre pikë.

Europa League, raundi 1 - E mërkurë, 24 shtator 2025:

Midtjylland 2-0 Sturm Graz

PAOK 0-0 Macabi Tel Aviv

Betis 2-2 Nottingham

Braga 1-0 Feyenoord

Crvena zvezda 1-1 Celtic

Dinamo Zagreb 3-1 Fenerbahce

Freiburg 2-1 Basel

Malmo FF 1-2 Ludogorets

Nice 1-2 Roma

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 12 Mars, 14:12

    PS rrëzon kërkesën e SPAK për arrestimin e Ballukut, si e vlerësoni?

Lajme të tjera