POP 5

Lajmet më të lexuara të 5 minutave të fundit

Bota

VIDEO/ Tërmet i fuqishëm 7.5 ballë godet ishullin e Filipineve, humb jetën një grua shtatzënë! Pritet cunami në Japoni

Një tërmet i fuqishëm 7.5 ballë ka goditur ishullin e dytë më të madh të Filipineve, Mindanao. BBC raporton se një grua shtatzënë ka ndërruar jetë, katër persona janë plagosur dhe nëntë të tjerë rezultojnë të zhdukur

VIDEO/ Tërmet i fuqishëm 7.5 ballë godet ishullin e Filipineve, humb jetën një grua shtatzënë! Pritet cunami në Japoni

Pamje nga dëmtimet e tërmetit në Filipine

Një tërmet i fuqishëm 7.5 ballë ka goditur ishullin e dytë më të madh të Filipineve, Mindanao. BBC raporton se një grua shtatzënë ka ndërruar jetë, katër persona janë plagosur dhe nëntë të tjerë rezultojnë të zhdukur. 

Sekretari i Mbrojtjes Gilbert Teodoro tha se 529 familje janë prekur. Shërbimi Gjeologjik i SHBA-së mati lëkundjen e parë mbrëmjen e të shtunës me magnitudë 7.6 ballë, e ndjekur nga katër pasgoditje të mëdha që kaluan 6.0.

Instituti Filipine i Vullkanologjisë dhe Sizmologjisë mati tërmetin me magnitudë 7.4 dhe regjistroi të paktën 600 pasgoditje me magnitudë që varionin nga 1.4 në 6.2. 

Njerëzit në disa qytete jo shumë larg nga epiqendra e tërmetit u panë duke dalë me nxitim nga ndërtesat dhe duke qëndruar në zona të hapura. Në qytetin Butuan, pacientët u evakuuan nga një spital. Në komunën Hinatuan rreth 21 km nga epiqendra turma u mblodhën në qendrat e evakuimit. Zyrtarët e fatkeqësive atje po inspektojnë fshatrat për dëme dhe viktima.

Një zyrtar i fatkeqësive për qytetin Bilsig tha për AFP se nuk ka pasur raporte për dëme të mëdha në ndërtesa ose infrastrukturë deri më tani, por disa rrugë në qytet në provincën Surigao Del Sur u plasaritën gjatë tërmetit dhe pasgoditjeve. Në Japoni, në veri-lindje të Filipineve, valët e cunamit deri në 0.4 m (1.3ft) u vëzhguan më vonë në disa ishuj periferikë.

Dy kombet ishullore janë pjesë e "Unazës së Zjarrit" të Paqësorit një zonë me aktivitet të madh sizmik që ka një nga linjat më aktive në botë. Tërmetet e Mindanaos vijnë gati dy javë pasi një tërmet me magnitudë 6.7 goditi ishullin, duke vrarë të paktën nëntë persona, duke tronditur ndërtesat dhe duke shkaktuar shembjen e një pjese të tavanit të një qendre tregtare.

 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

30 Janar, 08:20