Teuta fitoi 1-0 me Tiranën për javën e 14-të të Superligës në "Niko Dovana" të Durrësit. Autogoli i Najdovskit në minutën e 65 vendosi ndeshjen, me bardhebutë që shkojnë në derbin me Partizanin si të dytët në klasifikim duke i "lënë" kreun të kuqve.

Ndeshja nisi mirë për Teutën, me djemtë e Edi Martinit që patën mundësi me Lorenco Vilën. Në fundin e 45 minutave të para Teuta shënoi me Ledjo Beqja, teksa pas konsultimit me VAR goli u anullua.

Edhe në pjesën e dytë ndeshja ishte e luftuar nga dy skuadrat, teksa dueli u vendos në minutën e 65. Një skemë e durrsakëve me pasimin e Hebaj dhe goditjen e Albion Markut nga 25 metra, bëri që Najdovski të ishte i pafat me devijimin e tij duke nxjerrë jashtë trajektores Visar Bekaj. Megjithë hedhjen në sulm nga bardheblutë dhe pesë minutat e shtesës, rezultati në fund nuk ndryshoi. Pas kësaj ndeshje Tirana me 25 pikë mban vendin e dytë, një më pak se Partizani kryesues. Të mërkurë në 20:00 në "Air Albania" do luhet derbi i kryeqytetit mes dy skuadrave. Nga ana tjetër Teuta merr fitoren e dytë rradhazi me Edi Martinin në krye dhe të parën në shtëpi për këtë sezon, duke u ngjitur në vendin e parafundit me 14 pikë.

S.Dh/Shqiptarja.com
  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera