Barcelona fitoi 3-0 pa vështirësi kundër Osasunës për sfidën e prapambetur në raundin e 27-të të La Ligës në Spanjë. Katalanasit tanimë shkojnë në kuotën e 63 pikëve dhe mbajnë kreun e renditjes, duke lënë pas Real Madridin. Asnjë humbje në 2025 për ekipin e Hansi Flick, që shënojnë një rekord të ri.

Ferran Torres pas 11 minutave lojë zhbllokoi ndeshjen, ndërsa Dani Olmo u kujdes që në minutën e 21 të kthente në gol një penallti të fituar vetë, për të "arkivuar" tri pikët.

13 minuta nga fundi i ndeshjes ishte Lewandowski që shënoi golin e tretë. Tanimë ekipi i Flick e sheh veten tri pikë mbi rivalët e Real Madrid dhe kërkon të mbajë këtë diferencë që e dërgon te titulli kampion.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Shkurt, 08:56

    A është vlerësim për Shqipërinë pjesëmarrja në Bordin e Paqes?

Lajme të tjera