Në stadiumin e Kamzës, Kastrioti fitoi 1-0 me Vllazninë duke zhytur në krizë totale shkodranët. Për këtë u kujdes Silvio Zogaj, lezhjani që luan me krutanët dhe vetëm pak sekonda para se të shënonte u fut në fushë. Në minutën e 66 të ndeshjes Zogaj siguroi tri pikët për të tijtë, me Kastriotin që shkon në kuotën e 18 pikëve në vendin e shtatë. Trajneri i ri i krutanëve, Ardian Mema debuton me tri pikë në stol. Vllaznia me 19 pikë qëndron në vendin e gjashtë, teksa merr humbjen e dytë në Superligë në pak ditë.

Ardian Mema e ka nisur me fitore te Kastrioti, pasi krutanët me golin e Zogajt dhe rezultatin 1-0 morën 3 pikët kundër Vllaznisë. Ardian Mema, trajner i Kastriotit: “Ishte fitore me shumë vlera sepse kishim shumë mungesa. Lojtarët kanë qenë të ngarkuar dhe merr shumë rëndësi për shkak se përballë ishte Vllaznia”, tha Mema.


Për Vllazninë, përfshirë edhe Superkupën, kjo ishte humbja e tretë rradhazi dhe pikëpyetjet për largimin ose jo të trajnerit Mirel Josa janë ngritur tashmë.
“Klubi merr vendimet dhe nëse është problem Josa te Vllaznia, iki që në këtë moment”, tha Mireli

S.Dh/Shqiptarja.com
  • Sondazhi i ditës: 20 Shkurt, 08:56

    A është vlerësim për Shqipërinë pjesëmarrja në Bordin e Paqes?

Lajme të tjera