Një aksident i rëndë me pasojë plagosjen e një personi ka ndodhur mbrëmjen e sotme në Berat. Një makinë tip BMW ka humbur kontrollin dhe ka marrë para 4 automjete të tjera që ishin të parkuara në rrugë.

Drejtuesi i mjetit BMW me targa AA 838 UD, Ervis Domaxeti pasi pasidentit është larguar nga vendi i ngjarjes në këmbë duke lënë pasagjerin që kishte me vete të plagosur në vendin ngjarjes. Nga aksidenti ka mbetur i plagosur shtetasi Eri Ilia, 38-vjeç, i cili ishte pasagjer në makinë tip BMW. Ai ndodhet në gjendje të rëndë dhe është dërguar drejt spitalit të Traumës në Tiranë.

Shkak i aksidentit dyshohet se ka qenë shpejtësia e madhe duke bërë që drejtuesi të humbasë kontrollin. Aksidenti i rëndë ka ndodhur në aksin rrugor Berat-Uznovë në afërsi të Spitalit të Beratit.

Përplasja ka qenë tepër e madhe sa makina  tip BMW është shkatërruar tërësisht në pjesën e përparme, por edhe mjetet e tjera të parkuara kanë pësuar dëme të konsiderueshme.

Policia ndodhet në vendin e ngjarjes për zbardhjen e plotë të aksidentit dhe kapjen e drejtuesit, i cili është larguar në këmbë nga vendi i ngjarjes.