Videolajm/Bora Kokëdhima me
helikopter në Theth e Shkodë

Realizimi i setit fotografik të këngetares Eneda Tarifa e cila këtë vit do të përfaqësojë Shqipërinë në Eurovizion, është kryer në Theth, Tropojë e Shkodër.
 
Është Bora Kokëdhima, vajza e deputeti socialist Koço Kokedhima e cila ka udhëtuar sëbashku me Tarifën në veri të vendit. Por ndryshe nga udhëtimet e zakonshme, ajo ka preferuar që udhëtimin ta bëjnë me një helikopter, duke mos u kursyer për shpenzimet. Nuk dime nese helikopteri eshte privat apo i ndonje institucioni. Dime qe Eneida Tarifa ne nje postim te saj ne Intangram ka falenderuar vajzen e deputetit per udhetimin e bukur.
 
Videon nga udhëtimi, Bora e ka postuar në profilin e saj në Instagram. Në fakt brenda helikopterit, duket vetëm Eneida e cila po e shijon së tepërmi udhëtimin, fotografi Renuar Locaj dhe piloti, ndërsa Bora po i filmonte ato.
 
Por pas mbërritjes në Theth, Bora Kokëdhima dhe Eneida Tarifa, kanë shkrepur edhe një selfie sëbashku, ndërsa mbrapa tyre qëndron helikopteri.