Videolajm/ “Kali i Trojës” në
Elbasan “rrëzon” edhe INUK

ELBASAN - Pas më shumë se 25 shekujsh miti i “Kalit të Trojës” vazhdon të shfaqet frikshëm edhe në kohët moderne, duke “rrëzuar” së fundmi edhe INUK-un në qytetin e Elbasanit.
 
Ka qenë ora rreth 15:00 në unazën jugore të qytetit të Elbasanit, ku në tentativë për të shembur një objekt të lënë pergjysëm te quajtur “Kali i Trojës” në afërsi të hotel “Aleksandra”, një masë e madhe e objektit ka rënë mbi fadromë duke e rrezuar atë mbi rrugë.
 
Nga ky incident nuk ka pasur të lënduar, por rrëzimi i fadromës ka bllokuar për minuta të tëra unazën jugore të qytetit Elbasan duke shkaktuar kaos në qarkullimin e automjeteve.



Në vendin e ngjarjes kanë shkuar policia dhe reparti i zjarrfikëseve që ka ndihmuar për të hapur rrugën
 
Pas shumë përpjekjesh rruga ka qenë e qarkullueshme vetëm për automjetet e vogla.


 
INUK vazhdon të shembë objektet pa leje në qytetin e Elbasanit dhe në qendër të operacionit gjatë ditës së hënë ka qenë unaza jugore e këtij qyteti.
 


Redaksia Online
(a.h/shqiptarja.com)