Problemet shëndetësore të ylli argjentinas Lionel Messi në fushat e blerta të futbollit s’kanë të ndalur. Edhe në sfidën më të rëndësishme të jetës së tij, ai nuk u ndje mirë, ndërsa pamjet tregojnë në një moment që madje ai edhe volli.

Ylli argjentinas, nuk ishte në formën e tij më të mirë mbrëmë, ndërsa nuk po arrin të kalojë problemet e tij shëndetësore në fushat e futbollit.

Pamjet filmike mbrëmjen e djeshme në sfidën finale kundër Gjermanisë, tregojnë një moment ku ai u ndal për të vjellë. Kjo nuk është hera e parë që Messi bën një gjë të tillë, pasi ajo i kishte ndodhur edhe më parë, si me Argjentinën, ashtu edhe me Barcelonën.