Vite më parë, kur ishte vetëm 18 vjec dhe nuk kishte rënë ende në kontakt me mentorin e saj Jay Z që do ta shndërronte në një yll, Rita Ora ka konkuruar në audicione për të përfaqësuar Britaninë e Madhe në Eurovizon.

Këngëtarja shfrytëzonte cdo rast për të shfaqur potencialin e saj dhe në videon e mëposhtme duket shumë e emocionuar. Madje në momentin që juria duhet të merrte një vendim, Rita thotë se 'do të donte të ishte një mizë në ato momente që të futej brenda dhomës dhe të dëgjonte cfarë thuhej për të'. 

Vokali i saj i plotë bie në sy të gjyqtarëve dhe këngëtarja me origjinë shqiptare më vonë u përzgjodh si kandidate për të kënduar në Eurovizon, por ishte ajo që e refuzoi mundësinë pasi 'nuk ndihej gati'.