UKRAINE- Në Snezhnoye, Ukrainë Lindore, një grup ushtarësh ukrainas të zënë rob nga filo-rusët po përdoren për të pastruar rrënojat.

Mendohet se numri i tyre varjon nga 60 deri në 140 persona dhe se janë kapur në zona të ndryshme të rajonit ose pas sulmeve të milicive filo-ruse në postoblloqet e ushtirsë ukrainase.

Gjithashtu robërit ukrainas, që gjatë punës së detyruar përdorin vetëm duart, ankohen se shokët e tyre të plagosur po mbahen në një kamp tjetër dhe nuk po marrin shërbimin e duhur mjekësor.

Ndërkohë ata ushtarë të qeverisë së Kievit që duken më të shëndetshëm po përdoren nga rebelët për të pastruar ato rrënoja, që sipas këtyre të fundit, kanë shkaktuar vetë. Dhe sipas mbikqyrësve filo-rusë do t’u shërbejë dhe si një mësim i mirë.

Redaksia Online
(e.n/Shqiptarja.com)