Videolajm/ Të qeshësh apo të qash
me “kufomat” që sulmojnë në rrugë

Kamerat e fshehta apo lojrat që u bëhen njerëzve të famshëm, por edhe të tjerëve, për të parë reagimet e tyre apo për të bërë publikun për të qeshur, janë momente që i kemi parë të na vijnë nga shumë vende të botës.
 
Reagimet e personave të cilët janë bërë pjesë e “lojës” po ashtu kanë qenë nga më të ndryshmet, ku disa kanë qeshur e disa të tjerë kanë qarë.

Në këtë video duket se personat të cilët janë bërë pjesë e "lojës" janë traumatizuar. Në taksinë ku ishin vendosur kamerat e fshehta fillimisht hipin dy gra e më pas dy djem. Ata e morën taksinë për të shkuar në destinacionin e tyre, por gjatë rrugës hasën me një të paprituritur të madhe.
 
Shoferi del nga taksia për të hequr traun që kishte zënë rrugën, por nuk kthehet më në taksi pasi Zombiet (kufoma të të vdekurve) e marin atë dhe rrethojnë taksinë.
 
Dy gratë dhe dy djemtë të tmerruar fillojë të bërtasin teksa Zombiet i afrohen taksisë dhe fillojnë ta gjuajnë atë, duke thyer xhamat dhe pjesët e tjera të saj. Frika e madhe e tyre bën që ata jo vëtëm të bërtasim, por edhe të bëjnë lëvizje duke u munduar të gjejnë një mënyrë për tu mbrojtur nga Zombiet që u dolën përpara krejt papritur.