Turizmi në Tiranë po njeh ditët më të mira. Ky ishte thelbi i videomesazhit të javës së kryetarit të Bashkisë së Tiranës, Erion Veliaj, i cili zgjodhi këtë herë të flasë për zhvillimin turistik të qytetit. Veliaj shprehet se shifra e mbi 4 milion turistëve që vizituan vitin e shkuar Kryeqytetin, erdhi falë investimeve të 8 viteve të fundit dhe qasjes për të pasur një qytet të pastër, mikpritës dhe me kushtet e nevojshme të hotelerisë.
“Pavarësisht bindjeve, shumica prej nesh biem dakord se, vitet e fundit, Tirana është kthyer realisht në një qytet që gëlon nga turistët, thuajse në çdo muaj të vitit kalendarik, nga festat e dhjetorit, gjatë verës, e deri në fund të vitit, me Festat e Pavarësisë. Unë ju ftoj të zgjidhni një orë të ditës, kaloni në Sheshin Skënderbej dhe grupet e turistëve në gjuhë të ndryshme do t’ju vërtetojnë se këto janë ditët më të mira edhe për turizmin në Tiranë,” tha ai, duke theksuar se ky është një lajm fantastik, jo vetëm për ekonominë e qytetit, por edhe për ekonominë e Shqipërisë.
“Pyetja është, si kemi arritur deri këtu dhe si kemi bërë të mundur që nga viti 2015-2016, kur Tirana regjistronte jo më shumë se 100 mijë turistë në vit, 8 vjet më pas shifra e tyre të shkojë në 4.5 milion? Përqasja jonë për të zhvilluar turizmin ka qenë e trefishtë: të ruajmë identitetin historik, duke konservuar ndërtesa dhe hapësira të rëndësishme që realisht janë shpallur monumente të kulturës, t’i japim jetë ndërtesave dhe hapësirave historike dhe e treta të investojmë për shekullin e dytë të Tiranës kryeqytet,” shpjegoi Veliaj.
Ai përmendi disa nga projektet e mëdha që e kthyen Tiranën në kryeqendër të rajonit dhe një pol turistik, por që shpesh janë anatemuar dhe janë bllokuar nga një pjesë e politikës.
“Sheshi Skënderbej nuk është më një rrethrrotullim, por një hapësirë fantastike për turistët dhe për aktivitetet. Pazari i Ri, Kalaja, Sarajet e Toptanasve, që Bashkia i ka blerë, Shtëpia Kadare, Shtëpia Dritëro Agolli, që gjithashtu janë blerë nga Bashkia, Bunk’Art, Shtëpia me Gjethe, stadiumi Arena Kombëtare, janë histori suksesesh, të cilat nuk i kemi pasur, por janë bërë falë punës në këto 8 vitet e fundit. Kanë sjellë më shumë punë dhe zhvillim për qytetin, për gjithë Tiranën tonë dhe kanë ndikuar që qyteti ynë të vizitohet nga këta miliona turistë,” u shpreh Veliaj.
Ai u ndal edhe te kullat e Tiranës.
“Kullat e Tiranës, sidomos të qendrës, janë mundësia e artë për të sjellë investime të klasit botëror në fushën e turizmit. Fatkeqësisht, ndërtimi i tyre është sulmuar shumë nga njerëz që nuk e kuptojnë potencialin që ato kanë për turizmin. Histeria se këto ndërtime po bëhen në prona publike është po ashtu e rreme. Janë në pronat e tyre private. Kush investon në sektorin e turizmit është guximtar, duhet t’i jemi mirënjohës, t’i themi bravo të qoftë, sepse janë përfaqësuesit e parë të Tiranës dhe Shqipërisë me turistin e huaj, me atë që na viziton,” deklaroi Veliaj.
Kreu i Bashkisë tha se ndërtimi i kullave ka sjellë në Kryeqytet disa nga brandet më të njohura ndërkombëtare të hotelerisë dhe turizmit.
“8 vjet më parë nuk kishim asnjë brand ndërkombëtar hotelerie në Tiranë. Asokohe, gjithollogët thoshin se Tirana s’ka turizëm, se nuk ka mundësi për turizëm. Ndoshta, me të drejtë, sepse si mund të ketë turizëm kur nuk kemi ku t’i strehojmë turistët? Turizëm në shtëpi qerpiçi nuk mund të ketë. Sot kemi hotelet me emrat më të mëdhenj të botës, që po instalohen ose janë instaluar në Tiranë: Hilton, Hayat, Melia, Marriot, Maritim Plaza, InterContinental, që jo vetëm e kanë plotësuar mungesën e shtretërve të Tiranës, por kanë sjellë punësim, kanë sjellë edhe dije për sektorin vendas,” u shpreh ai.
Tirana sot shkëlqen, shtoi kryebashkiaku, dhe është shumë herë më e pastër, më e gjelbër, por edhe më mikpritëse.
Në mesazhin e tij, për zhvillimin e turizmit në Tiranë në 8 vitet e fundit, kryebashkiaku Erion Veliaj tha se Kryeqyteti është në rrugë të mbarë për të qenë jo vetëm kryeqendra e shqiptarisë, por edhe një qytet i denjë europian, në zemër të Ballkanit, dhe pika kryesore e gravitetit në të gjithë rajonin tonë.
Veliaj tha se viti 2022 ishte një vit historik me mbi 1000 aktivitete, kur Tirana ishte Kryeqyteti Europian i Rinisë. “Organizuam evente të mëdha, siç ishte Sunny Hill Festival, koncertet e Dua Lipës, Rita Orës, Ermal Metës, aktivitete me sukses në javët e kulturës. Organizuam me sukses të plotë Samitin e BE-së, hera e parë që i gjithë lidershipi i Europës vinte në Ballkan dhe zgjodhi Tiranën. Unë jam i bindur se këtë histori suksesi të 2022-shit do ta përsërisim edhe këtë vit si Qyteti Europian i Sportit 2023, sepse nëse duam ta thërrasim këtë kryeqytet metropol duhet të bashkëpunojmë që të zhvillohemi si metropol,” u shpreh Veliaj.
Ai përmendi edhe disa nga projektet e tjera kulturore dhe artistike. “Bashkë me Qeverinë dhe Kryeministrin Rama duam të çojmë përpara disa projekte të rëndësishme, siç është Teatri i Ri, një teatër modern që edhe nga ana e arkitekturës do të ketë vizitorë, Muzeun e Artit Modern, që duam ta realizojmë te Bulevardi i Ri dhe Parkun e Liqenit të Farkës, që duam ta kthejmë në një mushkëri të dytë të Tiranës edhe për aktivitete sportive. Ne nuk kemi kohë për të humbur me gjuhën e zullumeve, konflikteve dhe stërkëmbëshave. Jemi këtu për të punuar dhe për të ecur së bashku përpara,” deklaroi kryebashkiaku.
Veliaj dha edhe një shembull që bën dallimin e thjeshtë mes Tiranës dje dhe Tiranës sot: “Dua t’ju ftoj të gjithëve në një reflektim, sidomos ata që si puna ime kanë lindur dhe janë rritur në Tiranë dhe e mbajnë mend edhe Tiranën e viteve ’80: Le ta krahasojmë për një çast atë 15-katëshin, - dikur ndërtesa më e lartë e Tiranës, krenaria e komunizmit, që kishte bërë 15 kate pallat, - me InterContinentalin që po ngrihet pas tij në pronë private. Duhet ta shohim si diferencën mes Tiranës së djeshme dhe së nesërmes. Tirana sot s’ka si të jetë si Tirana dje. Zhvillimi, zmadhimi, zgjerimi janë të pashmangshme. Nuk mund ta fusim në një shishe si relike të vogël, si ato anijet në miniaturë që shiten në tregjet për turistët e vendeve bregdetare,” u shpreh Veliaj.
Reklama më e mirë tha Veliaj që mund t’i bëjmë qytetit tonë është të flasim mirë për të, sepse duke folur mirë, do të kemi edhe më shumë turistë.
Komente
Lajme të tjera
-
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor, 12:20
-
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Tiranë/ 22 vjeçari arrestohet brenda parkingut në QSUT, kapet me rreth 900 gr kokainë! I sekuestrohet municion luftarak në banesë
24 Dhjetor, 11:49 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19
Nese nje pushtetar,gjithcka qe ben e reklamon se e ka bere,nuk i sherben qytetarit,fuqise se tij blerese,standartit te tij,nuk mbron dinjitetin e tij,atehere ai nuk i sherben shqiptareve,se nuk keni gje te perbashket me patriotizmin,derisa shqiptaret ikin cdo dite dhe ti po cdo dite promovon "sukseset" e tua,si ndertesa pas 15 katshit,se gjithcka eshte nje reklame e cpifur,sepse ajo qe keni "ndertuar"eshte nje fasade,"nje vello mbi kufomen e nuses".. Ti krye*ar vetem ben monolog,se ti i sherben pushtetit tend dhe "turisteve" qe vetem shqiptar mos te jene. Po ndertohen gradacela dhe kush jane ata qe i blejne..!? Veç qytetaret shqiptar nuk i blejne,se do t'u duheshin tre jete qe te mund t'i afrohen tregut qe promovon ti. Po ,sigurisht gjithcka ketu shitet,se sot tregun e drejton mafia,se blen korrupsioni,blejne trafikantet,por e blejne dhe "turistet" qe "zbuluan" Shqiperine ne shekullin 21 dhe keta jane gjithe hajdutet,trafikantet e botes mbare ,qe gjejne "parajsen" ne Shqiperi per te pastruar parate e tyre ,se mund te marresh dhe nje shtetesi ketu dhe nuk te nget njeri më,se per njerez normale Shqiperia nuk eshte vend per te jetuar dhe qe t'ja vlej te investosh,qofte edhe me nje prone,por eshte ky llume qe i afrohet tregut imobiliar shqiptar. Vetem keta "e duan" Shqiperine ne keto momente,por edhe ata qe ikin nga varferia e skajshme dhe jane mesuar ne skllaveri,vijne ne kete vend per te shpetuar hallin e tyre. Keta jane nga Bangladeshi,India,Afganistani e me the e te thashe dhe po "shpetojne" oligarket e "ustallaret" qe komandojne tregun shqiptar,por po "te shpetojne" dhe ty o pushtetar qe nuk ben asgje per te mbrojtur dinjitetin e shqiptareve,por "ankohesh" se kane ngelur pronaret e kompanive shqiptare pa punonjes se "pune ka". E ardhmja e shqiptareve eshte e zymte me pushtetare si puna jote,qe i kerkon voten shqiptareve,por voten e vertete ia ke privuar atyre,se ata po largohen cdo dite. Gjithsesi ,ti je "mjeshter",e di se ajo qe ka ngelur do vazhdoje te te votoje,se ndjen presionin e ekzistences,se po humbi dhe ate pune qe ka cfar do te beje. Sigurisht qe kete siguri ta jep edhe sharlatanizmi i kandidateve medioker te opozites,te cilet perfaqesojne llumin e shoqerise dhe ju ben "nder" ju hajduteve "me shkolle" te beni ligjin,duke na treguar cdo dite e cdo vit te njejtat pralla te neveritshme,qe perdhosin dinjitetin e shqiptareve kudo ku jane,jo vetem te atyre qe jetojne cdo dite nen presionin e ketij pushteti te peshtire qe perfaqeson shqiptaret keto 30 e kusur vite.
PërgjigjuKrenaria e Realizmit Socialist ishin Hapësirat Publike,Parqet e Gjelbëra,Fushat sportive...., të gjitha këto tani janë Beton Çelik i Pseudo Krenarisë suaj të sëmurë e pseudo Kapitalistëve të rinj(injorantë e të Pa'ngopur )!!!
PërgjigjuNa hiq sysh o vemje, mashtrues ordiner
PërgjigjuKusar ordiner, pupac i shpifur, betonues-shkaterrues i Tiranes.
PërgjigjuPo per ty lali sdromsi e nusen tate, metropolis duhet bo tirona,qe te vazhdoni te vidhni edhe ca, o fshatar te pangopur. Ndersa ne qe jetojme me pune, duhet te thithim pluhur ndertimesh, e te enderrojm te blejme ndonje gje. Se realisht eshte e pamundur te blihet gje. Na e bej hallall se te varfer jem i, ti e imagjinon tiranen. Me oligark e ndertusa barkderra.... Shpifesire Veliaj
PërgjigjuOre ,kush do shkojë në Farkë??!!!..Parkun Historik të Liqenit të Tiranës mbille me Pemë e shtoje Sipërfaqen e gjelbër rreth e rrotull,edhe poshtë Digës së Liqenit..!!!
PërgjigjuHajdut i shpifur
PërgjigjuOre Lali Demagogu,zgjeroje Parkun e Liqenit të Tiranës poshtë Digës,e mbille me Ullinj a Agrume gjithë Tarracën e Digës së Liqenit ,boll me beton e hekur,Mbill pemë e hap e zgjero Trotuare e Hapësira Publike...!!
PërgjigjuPo pse nuk ben debat ne studio por Monolog...pse? Kjo nuk me pelqen...kjo vjen ere...
PërgjigjuSi i eshte deformu ftyra ktij nga korrupsioni. Te habit tranformimi fizik, shemtimi nga ligesia e shpirtit. Shume interesant si njeri.
PërgjigjuPo behemi edhe ne si europa keshtu qe nuk kemi pse te ikim me ne emigracion por mund ta ndertojme te ardhmen ketu
PërgjigjuDrejte por kame ikur 930 mije per 10 vjet....si I behet..sepse nuk ka drejtesi e ka korrupsion...pune dhe gjen...
nuk po vijne prej teje emrat me te njohur, mpo vijne se pronaret e ketuyre hoteleve duan te blejne brandet per te pasur pune, nuk ecet me mashtrime lali eri9
Përgjigju