Videolajm/ Rama i qëndron firmës në 'memorandumin' në Kuç të Vlorës, u angazhua për 74 mandate

Kryeministri Edi Rama ka parashikuar gjatë gjithë fushatës saktë mandatet që do të merrte Partia Socialiste në zgjedhjet parlamentare, madje ai ka firmosur edhe një “memorandur” nga Kuçi i Vlorës, së bashku me drejtuesin politik i Partisë Socialiste për Qarkun e Vlorës, Damian Gjiknuri.

I rrethuar nga disa qytetarë, Rama më 10 prill, mbi një mbulesë tavoline ka shënuar një për një mandatet që do të fitonte në çdo qark të Shqipërisë, duke i garantuar se Partia Socialiste do të marrë 74 deri në 78 mandate.

“Ne do marrim 74 deri në 78 mandate”, shprehet kryeministri.

“Këtu kanë mundësinë të bëjnë ndonjë gol ”, shprehet kryeministri për PD, duke treguar qytetet e veriut të Shqipërisë.

“Ndërkohë në zonën poshtë penalltitë i gjuajmë ne, rezultati final 74 deri 78.”, duke iu referuar qyteteve të jugut të Shqipërisë.

“Merreni, priteni dhe ma këndoni mua po doli gabim”, thotë Rama.

"Vendose edhe një firmë”, i thotë një nga qytetarët.

Rama duke vendosur firmën i kërkon Gjiknurit të bëhet noteri dhe të firmosi. “Noteri është Damian Gjiknuri, firmos”.

“Patjetër! Fiks, noteri nga fshati fqinj”, thotë Gjiknuri dhe të gjithë qeshin.

“Memorandumi I Kuvendit Zakonor Kuç”, shkruan Rama.

Partia Socialiste nën drejtimin e Edi Ramës mori mandatin e 3 radhazi, me një fitore historike.

Socialistët kanë arritur që të marrin 74 mandate, të mjaftueshme për të qeverisur e vetme, pa pasur nevojën e një koalicioni, e ndërsa PD 59 mandate, kurse LSI vetëm 4 të tilla.

 

J.GJ./r.k./Shqiptarja.com

TAG:
• edi rama
• Vlore
• PS
• damian gjiknuri
• PS fiton