POP 5

Lajmet më të lexuara të 5 minutave të fundit

Kronikë

Vijon aksioni i gjerë i policisë, kapet
një i kërkuar sekuestrohen 10 mjete

Policia e Shteti ka vijuar sot në ditën e dytë aksionin në të gjithë vendin për kontrollin e territorit në funksion të parandalimit të ngjarjeve kriminale. Në këtë operacion përveç forcave të policive vendore kanë marrë pjesë dhe 31 grupe të Reparteve te FNSH-së dhe Delta Forcë . Ky operacion do të vazhdojë edhe në ditët në vijim. VIDEO
TIRANË - Policia e Shteti ka vijuar sot në ditën e dytë aksionin në të gjithë vendin për kontrollin e territorit në funksion të parandalimit të ngjarjeve kriminale. Në këtë operacion përveç forcave të policive vendore kanë marrë pjesë dhe 31 grupe të Reparteve te FNSH-së dhe Delta Forcë . Ky operacion do të vazhdojë edhe në ditët në vijim.

 Operacioni gjatë ditës së sotme ka nisur që prej orës 18:00 në 12 qarqet e vendit. Sipas njoftimit të policisë deri tani  është arrestuar një person, i shpallur në kërkim, ndërsa janë bllokuar 10 automjete pa dokumente.

Gjithashtu bëhet me dije se janë ndaluar 20 persona pa kartë identiteti me vete
 
Rezultatet e operacionit në ditën e parë
Në ditën e parë të operacionit janë arrestuar në flagrancë dhe ndaluar 12 autorë, nga te cilët 5 për armëmbajtje pa leje (armë zjarri), 2 për armë të ftohta(thikë) dhe 3 për shkelje rrugore, si dhe janë ndaluar 2 persona në kërkim për trafik të lëndëve narkotike.

Në 3 raste janë kapur armë e municione pa leje, konkretisht në qytetin e Shkodrës një pistoletë me 1 autor të arrestuar, si dhe ne Elbasan në dy raste, një me 3 autor të arrestuar në flagrancë ku janë kapur me 800 fishek 10 kapsolla detonatorë dhe 1.7 kg ZHIVE, dhe një rast me 83 kapsolla detonatorë me fitila të gatshëm për të kryer plasje ku është arrestuar në flagrancë 1 autor.

Janë arrestuar 2 shtetas për mbajtje pa lejë të armëve të ftohta (thikë), si dhe 3 të rinj për drejtim të automjetit pa leje drejtimi.
Janë kontrolluar gjithsej 235 ambiente kryesisht bare,lokale nate dhe te lojërave te fatit.

Janë kontrolluar 1345 automjete dhe janë bllokuar për mungesë dokumentacioni 10 automjete. Si dhe janë pezulluar 5 leje drejtimi automjetesh për shkelje rrugore si dhe janë mare dhe masa administrative me gjobë.

Gjithashtu janë kontrolluar 938 persona për kontrollin e identitetit dhe janë shoqëruar ne mjetet e Kom. Policisë 45 shtetas për mungese te dokumentit te identifikimit.
 
Redaksia Online
(a.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kupa e Shqipërisë/ Ndryshojnë oraret e ndeshjeve, Tirana - Bylis dhe Dinamo - Erzeni

Kupa e Shqipërisë/ Ndryshojnë oraret e ndeshjeve, Tirana - Bylis dhe Dinamo - Erzeni

11 Janar, 15:19