POP 5

Lajmet më të lexuara të 5 minutave të fundit

Kronikë

Viktima e parë nga moti i keq! Ra nga soleta e një banese ku ishte duke montuar një panel diellor prej erës së fortë, ndërron jetë 26-vjeçari në Kuçovë

Majkëll Vrapi ra nga soleta e shtëpisë si pasojë e erës së fortë por rrëzimi nga një lartësi rreth 3 metër i shkaktoi të riut nga fshati Tapi në rrethin e Kuçovës fraktura dhe shembje në të gjithë trupin

BERAT-Stuhia e fortë e erës regjistroji viktimën e parë në qytetin e Kuçovës. Djali 26-vjeçar, që ishte duke punuar për montimin e një paneli diellor në shtëpinë e një të afërmi të tij, ka ndërruar jetë mbrëmjen e djeshme. Majkëll Vrapi ra nga soleta e shtëpisë si pasojë e erës së fortë, por rrëzimi nga një lartësi rreth 3 metër i shkaktoi të riut nga fshati Tapi në rrethin e Kuçovës fraktura dhe shembje në të gjithë trupin.

Majkëll Vrapi u gjet pa ndjenja në tokë dhe u transportuar drejt Spitalit Rajonal Berat. Ai iu nënshtrua një ndërhyrjeje të menjëhershme kirurgjikale por për shkak të gjendjes së tij të rënduar,26-vjeçari u transportua drejt Spitalit të Traumës në Tiranë.

Mësohet se Vrapi nuk i mbijetoi dot plagëve të rënda dhe ndërroi jetë gjatë rrugës drejt Spitalit të Traumës në Tiranë .Familjarët e djalit të tyre të vetëm kanë hapur sot dyert e mortit, për ta përcjellë 26-vjeçarin drejt banesën të fundit. 

Të shumtë kanë qenë miqtë dhe të afërmit e 26-vjeçarit,që i janë drejtuar banesës së familjes Vrapi, për të ngushëlluar prindërit dhe motrën e të ndjerit si dhe për ta përcjellë atë për në banesën e fundit. Ata shprehen se, Majkëlli ishte një djalë i mirë, punëtor dhe shumë i respektuar. Ata shprehen se, e morën vesh lajmin tragjik nga mediat dhe i tronditën shumë. "Djali ishte shumë i mirë, punonte ku të gjente për të ndihmuar familjen,që është një familje në kushte të vështira ekonomike .Era e fluturoi 30 metra larg, na erdhi shumë keq kur mësuam që ndërroi jetë".- thanë ata.

Vendi u përfshi nga moti i keq një ditë më parë, ku u shënuan incidente në gjithë vendin si pasojë e erës së fortë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alb: 01/04/2022 12:35

    Sigurija ne pun ashte zeroooo

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

I mbijetoi sulmit të 7 Tetorit, kush është 24-vjeçarja që do të përfaqësojë Izraelin në ‘Eurovision’

I mbijetoi sulmit të 7 Tetorit, kush është 24-vjeçarja që do të përfaqësojë Izraelin në ‘Eurovision’

23 Janar, 17:52