Orkestra Sinfonike e Radiotelevizionit shqiptar ka nisur mbrëmjen e kaluar sezonin e ri koncertor, duke prezantuar disa artistë të rinj.
E njohur si një nga formacionet më të mira në shkallë vendi, Orkestra drejtohet për të dytin vit radhazi nga dirigjenti francez Aurelien Azan Zielinski, i pari drejtues i huaj në historinë e këtij formacioni.
Holli “Gjon Simoni” i RTSH, ishte tejmbushur me artistë dhe simpatizantë të muzikës klasike, të cilët duartrokitën gjatë interpretimin e violinistit 26-vjeçar, Daniel Vlashi Lukaçi.
Artisti 26-vjeçar, aktualisht është zv/koncert maestër i Orkestrës Sinfonike gjermane të Berlinit, dhe kishte zgjedhur për veprimtarinë e Tiranës Koncert në La maxhor nga W A Mozart.
Mjaft i sigurt në lojën e tij dhe në harmoni të plotë me orkestrën e drejtuar nga Zielinski, violinisti i lindur në Korunja (Spanjë) shpalosi bashkë me talentin, edhe përgatitjen e gjatë në disa shkolla europiane, si dhe kontributin në orkestrën Sinfonike të Galicisë (Spanjë) dhe në Operan e Lionit (Francë).
Muzikaliteti dhe teknika e interpretimit e dominuan lojën e Danielit, i cili solli jo pak edhe nga shkolla shqiptare e violinës, falë kujdesin të prindërve artistë nga Durrësi, Florian (Violinë) dhe Rediana (violonçel).
“Bir arti”, pjesëmarrës në shumicën e edicioneve të Bienales “Netët e Muzikës klasike” që i jati organizonte që nga viti 2003 në Durrës, Danieli e njeh shumë mirë sfondin e muzikës koncertore në vendin tonë.
I nxitur nga pasioni i tij për Muzikë dhome, Daniel Vlashi Lukaçi ka themeluar kuartetin “Quatour Confluence”, me të cilin ka fituar disa çmime duke dhënë koncerte anë e mbanë Francës.
Interpretimi i tij mbrëmjen e kaluar fitoi admirimin dhe duartrokitjet e të pranishmëve në koncertin e parë të sezonit 2023-2024, ku Orkestra simfonike.
interpretoi edhe “Valle Popullore Shqiptare nga kompozitori i ri Jetmir Zaganjori, si dhe “Sinfonia nr 5 në Do Minor” nga L V Beethoven.
Violinisti, Daniel Vlashi. Foto e realizuar nga fotografi, Kyd Zacharian
Lajme të tjera
-
Gëzim Kabashi: Nuk ka më shumë se dashuria
17 Nëntor, 11:03
-
Gjergj Kastrioti në Horën e Arbëreshëve, vendoset 536 vjet pas themelimit të qytezës! Shqiptarët bëhen bashkë në përurimin e veprës së Gëzim Muriqit
3 Shtator, 08:53
-
'Turistë të përgjuar': Pushime nën syrin vigjilent të Sigurimit
12 Gusht, 18:04
-
Plazhi i Durrësit ku koha ka ndalur
12 Korrik, 14:03
-
Një sipërmarrës shqiptar, president i skuadrës arbëreshe ‘San Giorgio Piana’
12 Prill, 08:23
-
‘Alba’, Teatri i Operas 10 koncerte me muzikë baroke! ‘Serve e padroni’, artistët italianë çelin siparin e Festivalit
26 Mars, 19:56 -
Kërkuan rritje page, pushohen nga puna 9 instrumentistë të Orkestrës së Harqeve në Korçë
5 Mars, 16:39
-
Historia/ Firdesi dhe Sabino, shuarja në pak ditë e çiftit më të bukur italo-shqiptar të Durrësit
20 Janar, 14:54
-
Opera italiane, trashëgimi e UNESCO-s
7 Dhjetor 2023, 11:40 -
70-vjet histori! Teatri i Operas feston me Beethoven
28 Nëntor 2023, 16:10 -
Sfidat e ruajtjes së gjuhës arbëreshe dhe standardi
20 Nëntor 2023, 18:51
-
Koncert klasik në Durrës, luhen simfonitë botërore Mozart dhe Bet’hoven, interpreton orkestra e Forcave të Armatosura
7 Tetor 2023, 16:45
