Vlorent Xhafaj-n, e takojmë një ditë para nisjes për në Milano... Pas provave gjenerale në Teatrin e “La Scala-s”, për produksionin “Fedora”, është shkëputur për të promovuar në Shqipëri, më të mirën e muzikës klasike...
Rivënia e operas së Umberto Giordano-s këtë të shtunë, që këtë vit shënon 9 dekada pas debutimit në këtë skenë përbën një moment kulminant në kalendarin e teatrit të “La Scala-s” ... e kjo ngjarje artistike e gjen violonçelistin e njohur si concertino të violonçelave.
“ U thirra nga Orkestra e “La Scala-s”, për mua është hera e parë në këtë teatër! Është përgjegjësi që të jesh lideri i një grupi të tillë, por shpresojmë që të shkojë mbarë!”, thotë Xhafaj.
Virtuozi ka interpretuar në skenat më prestigjioze, por bashkëpunimi me Orkestrën e teatrit të La Scala-s vjen për herë të parë. E madje siç rrëfen, krahas operas “Fedora” që zgjat deri në 3 nëntor, po në këtë fundvit, i është kërkuar të bashkëpunojë edhe në dy produksione të tjera po aq madhore.
“Është edhe opera e autorit kontemporan Thomas Ades. “The tempest” nga Shekspir, por vepra është e re dhe kompozitori është edhe dirigjent i saj. Do të jenë 16 shfaqje të këtij produksioni. Dhe pastaj është një koncert sinfonik që luan orkestra me dirigjentin Daniele Gatti. Sinfonia nr.3 e Gustav Malher që do të shfaqet nga 9 në 12 nëntor”, thotë violonçelisti.
Instrumentistë, këngëtarë a dirigjent, përgjatë këtyre muajve Xhafaj ka sjellë në vendin tonë emrat më të njohur të muzikës klasike, jo vetëm përmes Different Trains, por edhe duke i dhënë Orkestrës së Rtsh-së, mundësi më të mëdha të shkëmbimit kulturor. Por si ndihen artistë si Tedi Papavrami a Elbenita Kajtazi pasi interpretojnë në skenën shqiptare?
“Në fillim pavarësisht se kanë dëshirë hezitojnë pak, pastaj të gjithë largohen të lumtur edhe nga ngrohtësia e muzikantëve shqiptarë si dhe publikut, e duan të rikthehen sërish”, rrëfen Xhafaj.
Pa harruar Shqipërinë, janë të shumta skenat ndërkombëtare ku do të interpretojë në muajt në vijim mes të cilave edhe Opera e Parisit.
Lajme të tjera
-
Në ‘Opera’ për veprën e plotë të Bethoven, Tedi Papavrami: Luajta për herë të parë 6 vjeç, më emocionon ajo sallë! Koncerti i ardhshëm, një duo me bashkëshorten
17 Qershor 2022, 17:54
-
Vlorent Xhafaj me “Moxart” dhe “Schuman” në arturbinë, solisti francez: Muzikantët e njohur i duhen Shqipërisë
17 Shkurt 2022, 17:32
-
Vrasjet e fundit në vend, Meta: Kërkohen masa të menjëhershme reaguese! Ngjarjet të zbardhen dhe autorët të marrin dënimin më të rreptë ligjor
12 Maj 2021, 15:43 -
Rrëfimi i Vlorent Xhafajt: Takimi im, me gjenitë e muzikës klasike në orkestrën e Parisit!
21 Korrik 2020, 16:32
-
Francë/Vlorent Xhafaj rrëfen ditët gjatë vetizolimit, violonçelisti: Shpresojmë që situata të ndryshojë sa më shpejt (VIDEO)
27 Mars 2020, 13:21
