Virusi H1N1: 284 mijë të vdekur
në epideminë e vitit 2009

NJU JORK- Një studim i ri thotë se epidemia e gripit të derrit H1N1 e vitit 2009 shkaktoi vdekjen e më shumë se 284,000 njerëzve – një shifër kjo 15 herë më e lartë se numri zyrtar i vdekjeve i raportuar nga Organizata Botërore e Shëndetësisë.

Studimi i botuar në Revistën Mjekësore Britanike Lancet për Sëmundjet Infektive thotë se numri aktual i vdekjeve mund të jetë i lartë deri në 575,000 persona. Studimi i udhëhequr nga Qendra Amerikane për Kontrollin dhe Parandalimin e Sëmundjeve, thotë se numëri zyrtar u vdekjeve u bazua vetëm në rezultatet laboratorike. Sipas studimit shumë viktima të gripit të derrit kanë jetuar në vende ku nuk ka laboratorë mjekësore.

Studimi gjithashtu thotë se virusi i gripit të derrave jo gjithmonë mund të zbulohet pasi viktima vdes. Shkencëtarët thonë se 51 për qind e vdekjeve të gripit të derrit kanë ndodhur në Afrikë dhe Azinë Juglindore.
Marre nga Voa
(sg.shqiptarja.com)