Inflacioni i lartë sipas Bankës së Shqipërisë ka përfshirë gjithë ekonominë, dhe ka arritur nivelet më të larta historike dhe do të kulmojë në tremujorin e tretë të këtij viti, ndërsa në fund të 2022 rritja do të stopojë. Ky është konkluzioni i Bankës së Shqipërisë i prezantuar në raportin e politikës monetare.
“Ne presim që efektet e rritjes ndërkombëtare të stabilizohen në gjysmën e dytë të këtij viti, dhe reduktimi gradual të nisë në 2023 e në vijim. Ne presim që inflacioni të kulmojë në gjysmën e dytë të vitit 2022 dhe të stopojë më pas dhe të kthehet në objektiv në 2024 prej 3%”, tha Erald Themeli Drejtor i Departamentit të Politikave Monetare.
Kjo rritje e çmimeve sipas Drejtorit të Politikës Monetare në Bankën e Shqipërisë Erald Themeli do të ndikojë negativisht në buxhetin e familjeve.
“Inflacioni i lartë gërryen fuqinë blerëse të familjeve shqiptare. Kjo gjë është edhe më e ndjeshme për familjet me të ardhura të mesme dhe të ulta, që e përdorin buxhetin më shumë për ushqime. Por përpos kohë ekonomia ka vazhduar të jetë në rritje dhe presim që të vazhdojë edhe më tej, kjo do të ndihmojë familjet që të përballojnë inflacionin”, tha Themeli.
Ndërsa nga analizat e bëra nga Banka qendrore bizneset janë shprehur që inflacioni do të arrij në 10.6%, kurse qytetarët presin që ai do shkojë deri në 9.6%.
“Analizat tona tregojnë se 75-80% e rritjes së inflacionit në 6-mujorin e fundit vjen nga rritja e çmimeve të artikujve ushqimor dhe të naftës e cila më tej ka prodhuar efekt edhe në artikujt e tjetër”, thotë Themeli.
Drejtori i departamentit të Politikës Monetare shpjegon edhe arsyet kryesore që sollën rritjen e normës bazë të interesit për herë të tretë pak ditë më parë.
“Tre janë konkluzionet kryesore të raportit që motivuan këtë vendimmarrje. E para është fakti që presionet inflacioniste në vend duke se janë më të forta se parashikimet fillestare. Inflacioni i huaj ka qenë mbi pritshmëritë dhe kërkesa për mallra ka qenë e qëndrueshme. Së dyti, është që ekonomia e vendit ka pasur ecuri pozitive, burimet e rritjes ekonomike janë të konsoliduar. Konkluzioni i tretë ka të bëjë me tregjet financiare që janë të qëndrueshme përballë goditjeve por ka rritje të normave të interesit në afatmesëm dhe afatgjatë”, thotë Themeli.
Ashtu siç deklaroi pak ditë më parë guvernatori Gent Sejko, edhe në raportin e politikës monetare thuhet se rreziqet për norma më të larta inflacioni dhe norma më të ulëta rritjeje ekonomike janë rritur.
“Inflacioni parashikohet të qëndrojë në nivele të larta deri në fillim të vitit pasues dhe të vijë në reduktim më tej, për të qëndruar në objektivin 3% në gjysmën e parë të vitit 2024. Inflacioni në vend do të pasqyrojë në një masë të madhe rritjen aktuale të çmimeve në tregun botëror. Më tej, në mungesë të goditjeve të reja, stabilizimi i çmimeve jashtë pritet të lehtësojë presionet mbi inflacionin në vend”, thuhet në raportin e Politikës Monetare.
(Kliko këtu për raportin tremujor të politikës monetare)
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
FMN i kërkon Bankës së Shqipërisë të ruaj regjim të lirë të kursit të këmbimit! Sejko: Familjet e bizneset në gjendje të mirë financiare
14 Nëntor, 14:01
