POP 5

Lajmet më të lexuara të 5 minutave të fundit

Politikë

Vizat, Malmstrom mbledh në
Tiranë ministrat e Ballkanit

Kërkesat në rritje për azil politik në vendet e BE, sjellin sot në Tiranë komisioneren Sesilia Malmstrom. Ministeriali i rradhës i ministrave të Brendshëm dhe atyre të Drejtësisë të Ballkanit Perëndimor zhvillohet në dy ditë me 5 dhe 6 Nëntor.
TIRANE- Kërkesat në rritje për azil politik në vendet e BE, sjell sot në Tiranë komisioneren Sesilia Malmstrom. Ministeriali i rradhës i ministrave të Brendshëm dhe atyre të Drejtësisë të Ballkanit Perëndimor zhvillohet në dy ditë me 5 dhe 6 Nëntor.

Sipas njoftimit për mediat, Temat e Ministerialit janë: Çështjet e procesit të stabilizim-asocimit për arritjet në sistemin e drejtësisë dhe të Ministrisë së Brendshme, situata pas liberalizimit të vizave dhe lufta kundër trafikimit të armëve, qenieve njerëzore si dhe integrimi i romëve dhe të drejtat e tyre, transparenca si mjet për luftën ndaj korrupsionit në sistemin e drejtësisë, bashkëpunimi gjyqësor për çështje penale dhe civile si dhe lufta kundër drogave.

Në çelje të punimeve do të marrë pjesë edhe kryeministri, Sali Berisha, i cili do të mbajë një fjalë përshendetëse. Sot ministeriali i hap punimet ne oren 15 00, nesër në orën 09: 30 .

Disa vende të Bashkimit europian kanë shprehur shqetësim të thellë për rritjen e numrit të azilkërkuesve për shkak të abuzimit me liberalizimin e vizave dhe kanë kërkuar marrjen e masave të shpejta mes të cilave dhe mundësinë e rivendosjes së përkohshme të regjimit të vizave
Gjashtë vende anëtare të Bashkimit europian Belgjika, Luksemburgu, Gjermania Franca, Austria dhe Hollanda i kanë kërkuar Brukselit që të përshpejtojë procedurat për vënien në jetë të “mekanizimit të shpëtimi”, i propozuar nga komisioni europian, e që parashikon që në rast të rrethanave të jashtëzakonshme të mund të rivendoset regjimi i vizave ndaj vendeve ballkanike të cilat përfituan nga liberalizimi i vizave në zonën Schengen në vitin 2009 dhe 2010. Numri i azilkërkuesve është rritur me 75 përqind gjatë këtij viti krahasuar me një vit me parë dhe “kjo është një shifër shqetësuese”, deklaroi me 25 tetor në përfundim të mbledhjes së ministrave të Brendshëm të vendeve të Bashkimit europian Cecilia Malmstrom, komisionere për Cështjet e Brendshme të Bashkimit europian.
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

15 Janar, 18:50