Kryeministri i Pakistanit, Shahid Khaqan Abbasi, do të vizitojë Afganistanin të premten. Vizita është interpretuar si historike dhe është thënë se mund të ndihmojë në uljen e tensioneve midis dy vendeve.
Zëdhënësi i Ministrisë së Jashtme të Pakistanit, Mohammad Faisal, tha se Abbasi do të diskutojë me zyrtarët afganë për një sërë çështjesh, përfshirë mënyrat për lehtësimin e bisedimeve midis Kabulit dhe talibanëve.
Afganistani dhe Shtetet e Bashkuara prej kohësh kanë akuzuar Pakistanin për ofrimin e strehave të sigurta për terroristët që operojnë në Afganistan – akuzë që hidhet poshtë nga Islamabadi.
![](https://shqiptarja.com/template/img/NO_ALFA_Kuadrate shqiptarja.png)
Përpara udhëtimit të planifikuar, Abbasi tha se “askush nuk do paqe në Afganistan më shumë se Pakistani, sepse ne jemi më të prekurit nga terrorizmi”.
![](https://www.shqiptarja.com/template/img/sh_logo1.png)